Radioen

On air

Resonanzen  |  Julius Eastman

play_arrow Live
arrow_back_ios

Wëssenswäert

100komma7.lu / Wëssenswäert

/ Auswierkunge vum Klimawandel op eis Waasserressourcen

Auswierkunge vum Klimawandel op eis Waasserressourcen

headphones

0 min

Zanter 2016 leet de Biolog Stan Schymanski am Luxembourg Institute of Technology, dem LIST, eng Fuerschungsgrupp mam Numm Wave. Wave steet fir Water and Vegetation in a Changing Environment.
Hei geet et drëms d’Auswierkunge vum Klimawandel op eis Waasserressourcen ze erfuerschen. An deem Prozess spillt d’Vegetatioun eng prinzipiell Roll. An d’Planz déngt als Zort Leem tëschent dem Grondwaasser an der Atmosphär.
Planzen absorbéiere Waasser iwwer hir Wuerzelen, dëst dréngt da bis an d’Blieder an, a wéinst ganz klenge Lächer an de Blieder, och Stomata genannt, geléngt d’Waasser an d’Loft.
Doduercher entsteet en Austausch vu Waasser a Kuelendioxid, CO2 also. Wann déi sougenannte Stomata opsinn, kann zur nämmlechter Zäit CO2 an d’Planz andréngen a Waasser eraus.
De Stan Schymanksi a seng Ekipp erfuerschen, wéi dee Prozess an d’Verhältnis vum CO2 an der Loft an dem Waassergehalt vun der Äerd verbonne sinn. Mat hirer Recherche wëlle si Prognose maachen iwwer d’Verännerunge vum Klima.
Wéi awer beaflosst den CO2-Taux an der Atmosphär de Wuesstem vun de Planzen an domadder och de Grondwaasser-Spigel?
Abee wa fossil Brennstoffer verbrannt ginn, erhéicht den CO2-Taux sech an der Atmosphär. Planze reagéiere vill méi séier op dës Changementer, wéi dat globaalt Klima. Wann den CO2-Taux an d’Luucht geet, brauch d’Planz hir Stomata net méi esou wäit opzemaache fir den CO2, dee fir d’Fotosyntees néideg ass, opzehuelen. An esou geet och manner Waasser an d’Loft.
Nach ass net kloer, ob d’Suitte fir de Waassergehalt vun der Äerd positiv oder negativ ausfalen. Gëtt d'Grondwaasser konservéiert, well déi betraffe Planz net méi esou vill verbraucht? Oder gëtt de Planzewuesstem insgesamt duerch dat disponibelt Waasser stimuléiert a schlussendlech de Grondwaasserniveau erofgesat?
Fir dës Froen ze beäntweren, wëllen de Stan Schymanski a seng Ekipp e Blatmodell entwéckelen. Am Laboratoire fir d’Perceptioune vun de Blieder nozëempfannen. Dofir brauche si Sensoren, déi grad esou empfindlech op d'Ëmwelt reagéiere wéi d'Blieder selwer.
Net nëmmen d'Reaktioun vun de Blieder op den CO2-Inhalt vun der Loft soll simuléiert ginn, mee och Faktore wéi de Wand, d’Ofkillung duerch d’Evaporatioun. De Blatmodell soll ënner anerem och duerstellen, wéi d’Stomata funktionéieren, wéi den CO2-Gehalt an der Loft d’Vegetatioun an d’Grondwaasser beaflosst.
De Modell versprécht engersäits virauszesoen, wéi d'Vegetatioun an de Grondwaasserniveau sech veränneren, wann d’CO2-Konzentratioun an der Loft klëmmt. Anerersäits soll den Afloss vum Grondwaasserspigel op d’Vegetatioun virausgesot ginn.
Mat der Recherche an deem Modell kéinten d’Verännerungen an der Ëmwelt besser verstane ginn, an deemno kéint een op bedenklech Entwécklungen opmierksam maachen.
De Stan Schymanski fuerscht also am LIST d’Interaktiounen tëschent der Vegetatioun, dem Buedem an der Atmosphär, mam Zil den Impakt vum Notze vu Land an dem Changement op Waasserressourcë kënne virauszesoen.

Wëssenschaft
Ëmwelt

Episoden

Setze mir Héiflechkeet strategesch an?

Et ginn Hiweiser drop, datt mir dat Wuert "wannechgelift“ ganz dacks dofir asetzen en Zil ze erreechen.
headphones

2 min

play_arrow

Nohaltege Bensinn nëmme Greenwashing?

"Grénge“ Bensinn wier beim Fléie keng realistesch Alternativ fir d‘CO2-Bilanz erofzedrécken. Zu deem Schluss kënnt eng onofhängeg Denkfabrick.
headphones

2 min

play_arrow

Ëmmer manner Loscht op Noriichten

Dat ass en Trend, deen eng Etüd aus der Schwäiz festgestallt huet a fir déi d‘Date vun iwwer 600.000 Mënschen analyséiert goufen.
headphones

2 min

play_arrow

Méi schro Accidenter um E-Bike

Kappverletzunge sinn hei an der Reegel méi schlëmm wéi um normale Vëlo.
headphones

2 min

play_arrow

Kënschtlech Intelligenz als Ligendetekter

Un den EU-Baussegrenze kommen dës KI'en aktuell schonn an den Asaz, mat awer och ville Froen.
headphones

2 min

play_arrow

Mat den Auswierkungen ze kämpfen

Mindestens een Drëttel vun de Beem an Europa hu Problemer mam Klimawandel a senge Konsequenzen.
headphones

2 min

play_arrow

Visitt an der Schlamwiss-Brill

Am Kader vun der Journée européenne Natura 2000 invitéiert Natur&Ëmwelt op eng Visitt an d'Schlammwiss-Brill.
headphones

3 min

play_arrow

Fliger-Turbulenzen a Klimawandel

Dës Woch goung d’Nouvelle ronderëm d’Welt vun engem Fliger, deen tëschent London a Singapur a schwéier Turbulenze geroden ass. Huet de Klimawandel eng Inzidenz op dës Loftmassen?
headphones

4 min

play_arrow

Sträit ëm d‘Fräistouss-Spray

Den Entwéckler war jorelaang am Rechtssträit mat der FIFA a krut elo Recht.
headphones

2 min

play_arrow

"Fuer wéi eng Fra“

Dat ass den Numm vun enger Campagne a Frankräich, mat där Automobilisten dozou opgefuerdert solle ginn, méi opzepasse beim Fueren.
headphones

1 min

play_arrow

Geméis um Mars

Dat grousst Zil vun der Raumfaart ass aktuell de roude Planéit. An aktuell gëtt och scho gefuerscht, wéi een do Geméis kéint ubauen.
headphones

2 min

play_arrow

Braucht et nach Experimenter un Déieren?

Och wann d‘Zuel ëmmer méi erof geet, well et och Alternative gëtt, wäert wuel och an de nächste Joren nach weider drop gesat ginn.
headphones

2 min

play_arrow

Wéi gutt funktionéiere Staaten?

Dat probéiere Fuerscher:innen an hirem Stateness Index festzehalen. Lëtzebuerg kennt hei op déi fënnefte Plaz.
headphones

0 min

Mir loossen eis séier iwwerzeegen

Eng Etüd weist, datt mer bereet sinn, séier dat ze gleewen, wat mer op de soziale Medie gesinn.
headphones

1 min

play_arrow

Méi Villfalt wéi geduecht

Neien Erkenntnisser no, ass de Stammbam vu Villercher méi diversifiéiert, wéi bis elo ugeholl.
headphones

2 min

play_arrow

Méi räich bedeit net onbedéngt méi tolerant.

Eng Theorie an der Sozialwëssenschaft seet, datt Gesellschafte méi oppe ginn, wann se méi modern a räich ginn. Dat huet awer vill mam Kontinent ze dinn.
headphones

2 min

play_arrow

Grouss Ënnerscheeder bei der Perceptioun

Wéi mer Géigestänn wouer huelen, hänkt dovunner of, wéi vill Biller mer pro Sekonn wouer huelen. An do ginn et grouss Ënnerscheeder bei de Mënschen.
headphones

2 min

play_arrow

Feeler-Sich an der Wëssenschaft

Bei neie Programméier-Codes engagéiert een an der Reegel Experten an Expertinnen, déi no Feller siche sollen. Fuerscher:innen hu sech elo gefrot, ob een dat net och op d‘Wëssenschaft applizéiere kéint.
headphones

2 min

play_arrow

Éiwegkeetschemikalien am Waasser

Dat si Stoffer déi nëmme lues, oder guer net ofgebaut ginn. Op ville Plaze sinn d‘Limitten awer iwwerschratt.
headphones

2 min

play_arrow

De Klimawandel iwwerfuerdert d‘Immunsystem

D‘Changementer passéieren esou séier, datt d‘Immunsystem deelweis net méi hannendru kennt.
headphones

1 min

play_arrow