Radioen

On air

Tockcity  |  Panorama

play_arrow Live
arrow_back_ios

Déi gutt Noriicht

100komma7.lu / Déi gutt Noriicht

/ Krabbe rette Korallen

Krabbe rette Korallen

headphones

4 min

Lauschteren play_arrow

D'Koralleriffer sinn net nëmme wichteg fir den Ekosystem, se schützen och d'Küste viru Stierm an Iwwerschwemmungen. Awer de Klimawandel bewierkt, datt d'Riffer ganz rapid a masseweis stierwen. Fuerscher vu Florida mengen elo eng Solutioun fonnt ze hunn: Eng Arméi vun Honnertdausenden geziichte Krabben.
Méi genee soll de “Carribean King Crab” Hand uleeën.
Koralleriffer bidden net nëmme wäertvolle Liewensraum fir bis zu engem Véierel Liewewiesen, déi an den Ozeaner liewen, mee se sinn och vital fir de Mënsch.
Eent vun de gréisste Koralleriffer vun der Welt läit virun de sougenannte Florida Keys, der Inselgrupp am Süde vum US-Bundesstaat. D’Atlantikwaasser vun de Keys gouf leschte Summer vun enger extreemer Hëtztwell getraff, domadder ass d’Temperatur vum Waasser bis op 39 Grad geklommen. D’Konsequenz dovunner war, datt 90 Prozent vun de Korallen ofgestuerwe sinn.
Elo frot Dir Iech bestëmmt, wéi Krabben hëllefe kënnen?
D’Äntwert läit ganz einfach bei der Krabben hirem Ernärungsplang. Krabben iessen nämlech Algen, enorm Quantitéiten dovunner. Generell gesi fillen Alge sech puddelwuel am waarme Waasser. Mee se stellen eng reell Gefor duer fir Korallen, well se hinnen den néidege Sauerstoff an och hire Liewensraum ewechhuelen.
Alge sinn deemno déi eenzeg Liewewiesen, déi vum Afloss, deen de Mënsch op Ekosystemer vun de Mierer huet, profitéieren. D’Ofwaasser an den Offall, déi d’Mënschen an d’Mierer leeden, si räich u Phosphor, engem ganz wichtegen Närstoff fir Algen. Dat wat also geschéie muss, ass d’Alge-Populatiounen auszebremsen.
An hei kommen d’Krabben an d’Spill. Keen anert Liewewiese frësst esouvill Alge wéi d’Crustacéen Et gouf iwwerdeems observéiert, datt a Regioune mat enger héijer Krabbe-Konzentratioun, jonk Koralle sech ausbreeden.
Den Angelo Spadaro vum College of the Florida Keys zu Key West an de Mark Butler vun der Florida International University zu Miami wëllen also hire Krabbeplang ëmsetzen. An hirem Laboratoire sollen 250.000 Krabben d’Joer geziicht ginn, fir se dann an den Ozeaner auszesetzen. Eng honnerte Krustendéieren si scho geschlüpft, 2024 sollen dës dann ufänke mat schaffen.
D’Fuerscher betounen, datt si keng Angscht hunn, datt d’Déiere sech onkontrolléiert reproduzéieren. Schliisslech gëtt et dës Aart schonn an de Florida Keys, an deemno hu Krabben elauter Predateuren. Aneschters gesot, d’Krabbe friessen zwar Algen, mee et ginn elauter aner Déieren, déi Krabben iessen.
Éier se ausgesat ginn, kréien d’Crustacéen awer en Training, schliisslech si se am Labo geziicht an hu keng Experienz um Terrain. Deemno hunn d’Fuerscher sech kreativ gewisen an hu mat Handpoppe grouss Fësch oder Tëntefësch simuléiert, fir de Krabben Angscht anzedreiwen a se op hir spéider Missioun ze preparéieren.
Iwweregens goufen d’Poppen iwwer e lokale Projet vu Kanner aus der Grondschoul gebastelt.
Vun 2024 u wäert een also an de Floriday Keys Arméie vu Krabbe gesinn, déi am Sënn vum Erhale vun eisem Ekosystem äifreg schaffen.

Gesondheet
Ëmwelt

Episoden

Vu wéini u si mir al?

Deen Alter ass an de leschte Joren no hanne geréckelt, an et ginn och Ënnerscheeder tëschent de Geschlechter.
headphones

1 min

play_arrow

Firwat beréieren eis Stëmmen?

Fuerscher:inne wollten erausfannen, wat Krittäre sinn, firwat mir déi eng Stëmme méi schéi fanne wéi anerer.
headphones

2 min

play_arrow

Wéi sécher si Public Viewings?

Experten an Expertinne soen, méi sécher, wéi ee mengt. Et kann een awer och selwer op e puer Saachen oppassen, fir sécher ze goen.
headphones

2 min

play_arrow

Wat geschitt wärend dem Schlofen?

Esou richteg weess een aktuell nach net, wat an eisem Gehier lass ass, wa mir schlofen.
headphones

2 min

play_arrow

Méi Rechter fir Fraen am Fussball

De Congé Parentale gëllt elo net méi nëmme fir Spillerinnen, mee och fir Trainerinnen, an och soss ginn et Neierunge bei der FIFA.
headphones

1 min

play_arrow

Wie gewënnt d‘EM vun de Männer

Dat ass déi grouss Fro, déi et vun haut un ze kläre gëllt. Wëssenschaftler:innen aus Däitschland hu probéiert, mathematesch op déi Fro z‘äntweren.
headphones

2 min

play_arrow

Urteel géint Rassismus

A Spuenie sinn dräi Fussball-Fans zu enger Prisongsstrof op Sursis verurteelt ginn, well si e Spiller rassistesch beleidegt haten.
headphones

2 min

play_arrow

Gëtt et elo manner Gemeckers?

Bei der Fussball-EM vun de Männer dierf elo just nach de Kapitän vun der Ekipp bei den Arbitter schwätze goen.
headphones

2 min

play_arrow

En CO2-Filter op Island

Bis zu 36.000 Tonne Kuelendioxid pro Joer sollen esou dauerhaft aus der Loft geholl ginn.
headphones

1 min

play_arrow

Blutt mat der Ventouse sammelen

Dat kéint an Zukunft Realitéit sinn an ass eng gutt Noriicht, wann een Angscht virun Nolen huet.
headphones

1 min

play_arrow

Kaffi vun der KI

No éischte Versich mat Béier huet een elo och Kaffi vun enger Kënschtlecher Intelligenz zesummesetze gelooss.
headphones

1 min

play_arrow

De Kampf géint Bio-Piraterie

Mat engem neien Ofkommes wëllt ee verhënneren, datt sech Konzerner un Heelplanze beräicheren, wärend indigeen Vëlker, déi scho laang domadder schaffen, näischt dovunner hunn.
headphones

1 min

play_arrow

Manner Sexzeenen

An Hollywood-Filmer sinn zanter dem Joer 2000 40 Prozent manner vun dësen Zeenen ze gesinn.
headphones

2 min

play_arrow

D‘Pyramiden an Ägypte stounge beim Waasser

Dat weisen nei Erkenntnisser, an dat wuel un engem Niewenaarm vum Nil, dee mëttlerweil ausgedréchent ass.
headphones

2 min

play_arrow

2.000 Joer al Austernzucht am Yorkshire entdeckt

Um Ufer vun der Humber-Mündung, bei Weeton am Yorkshire ware Réiaarbechten an enger fréierer réimescher Siidlung. Um Ufer vun der Humber-Mündung, bei Weeton, am Yorkshire woren réiharbeschten, an enger fréierer réimescher Siidlung.
headphones

3 min

play_arrow

Preventiv Kriibstraitementer kommen e Schratt weider

Wat wier, wann ee Kriibs kéint bremsen, éier e sech entwéckelt?
headphones

2 min

play_arrow

Wéini vergeet d‘Zäit méi séier?

Et gi Momenter, déi extreem séier verginn, anerer zéie sech. Mee u wat läit dat?
headphones

2 min

play_arrow

Bakterie géint Plastik

Fuerscher:innen hunn an eng Plastik-Zort Bakterien integréiert, déi de Konschtstoff dann zersetzen, wann en net méi gebraucht gëtt.
headphones

1 min

play_arrow

Kierper reagéiert ënnerschiddlech op Kuelenhydrater

Grad wann ee Moies net esou aktiv ass, sollt ee vläicht e bësse waarden, bis een eppes ësst.
headphones

2 min

play_arrow

De Knascht vum Mount Everest kréien

Dëst Joer sollen dofir Drone getest ginn. Well duerch de Massen-Tourismus um Bierg, sammelt sech hei ëmmer méi Offall.
headphones

2 min

play_arrow