Bewosst Gesond
/ Permanent Kontrollen um Findel vun der Lëtzebuerger Veterinärs- an Liewensmëttelverwaltung
Permanent Kontrollen um Findel vun der Lëtzebuerger Veterinärs- an Liewensmëttelverwaltung
13 min
Déi Europäesch Unioun huet am Beräich vum Wuel an der Gesondheet vun den Déieren, souwéi der Gesondheet vun de Planzen an der Sécherheet vu Liewensmëttelen, de Fuddermëttelen an de Kontaktmaterialien immens héich Standarde fixéiert.
Dës Standarde muss all EU-Memberstaat anhalen.
Et ass och esou, datt d’EU vill Déiere wéi grouss Quantitéite Planzen an och Liewensmëttelen aus Drëttstaaten importéiert. An dësen Drëttstaate sinn d’Reegelwierker dacks bei Wäitem net esou streng wéi an de EU.
Deieren a Planzen, déi aus dësen Drëttstaaten an d’EU importéiert solle ginn, mussen awer den EU-Standarden entspriechen. Dofir gëtt et e System vu Kontrollen op den EU-Baussegrenze fir sécher ze stellen, datt déi Wueren d‘EU-Standarden anhalen.
Zu Lëtzebuerg, dat en EU-Banneland ass, gëtt et just eng EU-Baussestell, an zwar um Flughafe Findel. D’ALVA, déi Lëtzebuerger Veterinär- a Liewensmëttelverwaltung huet do e permanente Kontrollbureau, de Point de contrôle frontalier (PCF). D’ALVA huet fënnef Leit permanent um Cargocenter, déi sech ëm Importkontrolle bekëmmeren an dat op zwou Schichte vu 6 bis 22h00. De Weekend funktionéiert e System mat Disponibilitéiten. Zwee Experten sinn am Beräich Veterinärswiesen an dräi am Beräich Planzen- a Liewensmëttelsécherheet.
Weider Detailer gëtt de Patrick Hau vun der ALVA.
Presentéiert vum
- Angie Maquil
Episoden
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
Den Hunneg a a seng erstaunlech Wierkungen
Souwuel als Liewensmëttel wéi och an der Kosmetik beléift, an e gëllt och als Heelmëttel.
Fuddermëttelkontroll: Iwwerwaachung vun der Fuddermëttelsécherheet fir Notz- an Hausdéieren
D’Fuddermëttelkontroll vun der ALVA këmmert sech zu Ettelbréck ëm d’Iwwerwaachung vun der Fuddermëttelsécherheet fir Haus- an Notzdéieren.
Alles ronderëm den Huewer
Huewer ass méi Nährstoffräich wéi aner Kärenzorten
Stressiessen
An enger Zäit wou Stress en ëmmer präsenten Begleeder ginn ass, greife vill Leit zu Iessen als Copingmechanismus. Mee wat genee ass Stressiessen?
Fake News am Beräich Ernärung
Et ginn eng Onmass Zäitschrëften, Bicher, Internetsäiten iwwer gesond Ernärung,iwwer Regimmer oder Rotschléi fir physesch méi fit ze ginn. Wéi weit sinn dös Informatioune richteg, wéi funktionéiere fake News?
Tourismus a Wuelbefannen an der École d’Hôtellerie et de Tourisme du Luxembourg
Eng Weltrees, déi op 4ème ze Lëtzebuerg an an der Groussregioun ufänkt an op der 1ère a Mikronesien am Pazifik ophält
Permanent Kontrollen um Findel vun der Lëtzebuerger Veterinärs- an Liewensmëttelverwaltung
D'ALVA, d'Administration luxembourgeoise vétérinaire et alimentaire kontrolléiert reegelméisseg vill Déieren a grouss Quantitéite Planzen a Liewensmëttel aus Drëttstaaten, déi bei eis an d‘Land importéiert ginn.
Gutt iessen, gutt lafen
Déi richteg Ernärung fir e Marathon ze lafen
Microgreens a Sprossen: eng Extra-Portioun Vitaminnen a Mineralien
Se si knackeg, frësch, schaarf oder wierzeg a liwweren eis eng héich Konzentratioun un Nährstoffer a kënnen dat ganzt Joer liicht gezillt ginn.
Vegan a vegetaresch Kichen an der Hotelschoul
Ökologeschen Engagement an der École d’Hôtellerie et de Tourisme du Luxembourg an net nëmmen eng Äntwert op en Trend vum Marché
