Dëse Weekend, de 17. an 18. September, proposéiert den Ensembel United Instruments of Lucilin, am Kader vun Esch2022, e Festival an der Kulturfabrik zu Esch, bei deem 2022 Minutten - ëmgerechent 33,7 Stonnen - Musek um Programm stinn.
Dëse Projet kann een zum Deel och um radio 100,7 suivéieren. Den Nuetsprogramm vum Festival ass nämlech vun dräi bis siwen Auer op eiser Antenn ze héieren. A wärend deenen zwee Deeg si mir op der Plaz an informéieren Iech mat Interviewe vun de Kënschtler:innen.