28.04. Orientatioun an der Educatioun

Posterframe Schoulfoire.png

E puer Deeg virun der éischter nationaler Schoulfoire, déi vum 2. bis de 4. Mee an der LUXEPO stattfënnt, steet beim nächste Webinar vu SCRIPT a radio 100,7 d'Orientatioun an der Educatioun am Mëttelpunkt.

Den 28. Abrëll vu 14.30 bis 16.00 spanen eng Experte an dräi Experten am Studio e grousse Bou vun der Schoulorientatioun an der Grondschoul, am Secondaire an an der Beruffsausbildung. D'Emissioun bitt ausserdeem d'Geleeënheet fir gewuer ze ginn, wat d'Offer op der Schoulfoire wäert sinn.

Zousätzlech sinn an der Emissioun Analysen vun enger Rei Expertinnen an Experten zu verschiddene Facette vum Thema ze héieren.   

Invitéen hei am Studio sinn: 

  • Luc Weis, Direkter vum SCRIPT, Service de coordination de la recherche et de l'innovation pédagogiques et technologiques; de SCRIPT ass ee vun den dräi Organisateure vun der Schoulfoire.  
  • Véronique Schaber, Directrice vun der Formation professionelle am Educatiounsministère a fréier Direktesch vum Lycée des Arts et Métiers, e weideren Organisateur.  
  • Gil Belling, Präsident Worldskills Luxembourg, an techneschen Delegéierte fir Lëtzebuerg bei nationalen an internationale Beruffsconcoursen an drëtten Organisateur vun der Schoulfoire.  
  • Romain Nehs, chef de service de l'enseignement secondaire am MEN.

De Livestream vun der Emissioun kënnt Dir iwwer eis Website www.100komma7.lu kucken

D'Nolauschterer:innen hunn d'Méiglechkeet am Virfeld, an och wärend dem Webinar, hier Froen iwwert Email (fro@webinar.lu) oder WhatsApp (621440044) eranzereechen.

D'Participatioun vun Enseignante um Webinar gëtt vum IFEN als Formatioun unerkannt. Méi Informatiounen: www.ifen.lu

Net verpassen

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen