D’Karma Catena huet mat 15 Joer ugefaange Musek ze maachen, mat just hirer Gittar an hirer Stëmm. Et konnt een hire Werdegang duerch d’Concerten an d’Releases novollzéien, vun der Lidderschreiwerin zur ausgewuessener Alternativ-Pop-Musekerin. Och hir Themen hunn evoluéiert, mee si sinn nach ëmmer sou no un hir selwer wéi der Tracey Emin hirt Bett.
Album ënnerwee
No engem Showcase zu Hamburg um Reeperbahn-Festival, dee vun hirer Management-Firma Backseat am “Grüner Jäger” konnt décrochéiert ginn, huet d’Karma zu Wolz op der Nuit des Lampions gespillt. Am Januar sti schonn zwee Concerten an Däitschland un, un déi sech de Eurosonic-Optrëtt uschléisse wäert.
Weider Kontakter, interessant Renconteren, hire Public auswäiten: d’Ziler vun der jonker Musekerin si kloer, an en neien Album soll an der éischter Hallschent 2024 erauskommen. Opgeholl ass e schonn.