Tëschent 6 Méint an engem Joer kann et daueren, bis eng Persoun ee Rendez-vous fir Psychotherapie kritt, schätzt d‘Catherine Richard.
Si fuerdert ausserdeem, datt den Tarif pro Stonn eropgesat gëtt. Do wier si, wat d‘Verhandlunge mat der CNS ugeet, optimistesch. Vum Budget, deen d‘CNS sech fir mental Gesondheet virgeholl hätt, wiere bannent engem Joer keng 20 Prozent investéiert ginn. Dat heescht, de Budget wier do, esou d‘Feststellung vun der Catherine Richard.
Et kéint ee sech also iwwerleeën, ob een de Prozentsaz vum Remboursement bei Erwuessenen erop kéint setzen. Den Ament läit dee bei 70 Prozent. Bei Kanner iwwerhëlt d‘CNS 100 Prozent.