Radioen

On air

De Weekend  |  Sarah Kimmlinger an Avery Joy Becker

play_arrow Live
arrow_back_ios

100komma7.lu

100komma7.lu

/ Jeeërfederatioun: Juegd misst stonneweis och nuets méiglech sinn

Héich Wëldpopulatioun

Jeeërfederatioun: Juegd misst stonneweis och nuets méiglech sinn

Mëttelfristeg kéinten d'Jeeër d'Erlabnis kréie fir och nuets op d'Juegd ze goen, dat deit de Vize-President vun der Jeeër-Federatioun, Marc Reiter un. Bis elo ass d'Juegd eng Stonn viru Sonnenopgank an eng Stonn no Sonnenënnergank erlaabt.

auto_stories

2 min

headphones

16 min

© Morgane Weidig play_arrow
Foto: Morgane Weidig

Fir zum Beispill géint déi héich Wëllschwäin-Populatioun an de Bëscher virzegoen, wier et awer wichteg, och nuets kënnen ze joen, sou de Marc Reiter. Den neien Ëmweltminister Serge Wilmes hätt och schonn eng “ganz kloer Ouverture” gemaach géintiwwer vun dëser Fuerderung.

„Wann ech zum Beispill Däitschland huelen, do kann een déi ganz Nuecht op d'Juegd goen, op d’Wëllschwäi wuel verstanen. Ob mir elo sou wäit musse goen, dat ass eng aner Fro.

Et géif och schonn duergoen dat stonneweis ze maachen. Dofir misst een awer d‘Gesetz änneren. Als Tëscheléisung, kéint een Autorisatioune beim Ministère ufroen, fir nuets ze joen, wann dat op enger Plaz néideg ass.

Souwäit de Marc Reiter. D’Juegd wier mëttlerweil erëm besser ugesi wéi nach viru Joren, fënnt de Vize-President vun der Jeeër-Federatioun. Den neie Minister hätt och ugekënnegt, datt hien d’Jeeër als Partner géif gesinn, dat wier virdrun net ëmmer de Fall gewiescht.

Lauschterenplay_arrow


 

Aktualitéit
Interview
Ëmwelt