Wéi Medien aus béide Länner eestëmmeg mellen, wier déi ukrainesch Wirtschaftsministesch schonn zu Washington ukomm, wou den Owend d‘Ofkommes nach ënnerschriwwe soll ginn. No laange Verhandlunge gesäit et also elo no engem Duerchbroch aus.
De geplangten Accord géif den USA e privilegéierten Zougang zu strategesche Ressourcë ginn. D’Ukrain erhofft sech am Géigenzuch Investitiounen a finanziell Mëttel fir den Erëm-Opbau vum Land.
Ier de Kontrakt a Kraaft trëtt, muss en nach vum ukrainesche Parlament ratifizéiert ginn.
