/ Muss Amazon d'Rekordstrof vun der nationaler Dateschutzkommissioun bezuelen?
Ëm dës Fro wäert et vum Januar 2024 un an éischter Instanz virum Verwaltungsgeriicht goen, esou d’CNPD-Presidentin Tine A. Larsen haut am 100,7-Interview. Et ass virgesinn, datt dee Prozess den 9. Januar d’nächst Joer um Tribunal administratif ufänkt, huet de Justiz-Spriecher eis op Nofro hi preziséiert.
1 min
Et wäert deemno zwee an een halleft Joren daueren, bis dës wichteg Affär kéint plaidéiert ginn, bedauert d’CNPD-Presidentin.
Mëtt Juli 2021 hat déi national Dateschutzkommissioun d’Strof decidéiert, well Amazon Europe Core S.à r.l. géint europäesch Dateschutzreegele soll verstouss hunn. D’Entreprise kontestéiert d’Entscheedung vun der nationaler Dateschutzkommissioun.