Radioen

On air

Notturno  |  Allegra Krieger - Lingering

play_arrow Live
arrow_back_ios

100komma7.lu

100komma7.lu

/ NHS: Besuergnis wéinst nei verëffentlechten Zuelen

Kris am brittesche Gesondheetssecteur

NHS: Besuergnis wéinst nei verëffentlechten Zuelen

Am vergaangene Joer sinn 122 Persounen a Groussbritannien verstuerwe wéinst Retard vum Rettungsdéngscht oder vun Operatiounen. Dat soen d’Zuele vum brittesche Gesondheetsservice NHS, déi vun der Zeitung “The Guardian” verëffentlecht goufen.

auto_stories

2 min

headphones

2 min

play_arrow
D'Kirs am Gesondheetssecteur ass eng vun de Prioritéite vum Rishi Sunak. (Foto: picture alliance)

Et sinn Zuele bei deenen et engem kal de Réck erofleeft. Am Ganze sollen iwwer 8.000 Persoune vun den Delaie betraff gewiescht sinn, heescht et vum brittesche Gesondheetsservice NHS. D’Zuel vun den Doudegen an Zesummenhang mat dëse Retarde wier fënnef Mol méi héich ausgefall ewéi nach 2019.

Grond fir dës Chifferen

Et berifft een sech virun allem op d’laang Waardelëschte fir ee Spezialist kënnen ze gesinn. De Guardian zitéiert allerdéngs och eng Associatioun vun de Patienten, déi ofgesoten Operatiounen als weidere Grond nennen. D’Regierung hätt hiren Aussoen no refuséiert, fir en Noutplang auszeschaffen, deen déi Millioune vun Euro u Käschten duerch Streike vum medezinesche Personal decke géif.

D’Konditiounen am Secteur

Souwuel d’Infirmierspersonal ewéi och Ambulancieren an Interner hunn am vergaangene Joer e puer Mol gestreikt. Si fuerderen ee Salaire, deen un d’Liewenskäschten ugepasst ass, mee och besser Aarbechtskonditiounen.

De brittesche Premier Rishi Sunak hat ugekënnegt, datt de Gesondheetssecteur eng vun de fënnef Prioritéite vun dësem Joer wier. Allerdéngs weisen d’Zuele vum NHS, datt d’Waardelëschten an de Spideeler am September bei 7,8 Millioune Patiente louch.

Lauschterenplay_arrow