D‘Santé rifft d‘Leit op, vun dëser Woch ze profitéieren, fir hiren Impfstatus op eventuell néideg Updaten ze iwwerpréiwen.
Lëtzebuerg hätt ënner den EU-Länner e besonnesch héischen Impftaux. Bei rezenten Ausbréch vu Riedele wier dowéinst hei am Land och keng Epidemie entstanen, sou de Gesondheetsministère.
D‘Gesondheetsministerin Martine Deprez gëtt am Communiqué mat folgender Ausso zitéiert: "Et kéint ee verstoen, datt verschidde Leit skeptesch iwwer Impfunge kënne sinn, mee d‘Vaccinen hätte gehollef, d‘Gefor vu Krankheeten, déi fréier déidlech waren, ze reduzéieren, oder ganz ze eliminéieren."