De leschte Mount huet déi annuell Inflatioun hiren niddregsten Niveau zënter 3 Joer erreecht. Dat ass fir d’europäesch Zentralbank e wichtege Critère wa se an engem Mount iwwert eng méiglech Zënsbaisse an der Eurozon entscheet.
Fir d’nächst Joer ass d’Situatioun zu Lëtzebuerg onkloer well d’Regierung nach net decidéiert huet, wéi et mat de staatleche Subventioune vum Stroum a Gas weider geet.
Mat der nächster Indextranche rechent de Statec nach ëmmer am véierten Trimester: Tëscht Oktober a Chrëschtdag sollen d’Salairen an d’Pensiounen also automatesch em 2,5 Prozent un d’Inflatioun ugepasst ginn.