Rentrée beim radio 100,7

Visual_Rentrée_2022.jpg

De radio 100,7 bitt nach méi Noriichten an informativ Ënnerhalung a sengem Programm. Der Kultur gëtt eng fest deeglech Emissioun consacréiert.

D'Morningshow "De Moien", mam Simon Laroche um Mikro, setzt konsequent op Noriichten an Informatiounen. Tëschent 7:00 an 9:00 Auer gëtt d'"Panorama"-Noriichtesendung zur voller Stonn vun Noriichten am Véierelstonnentakt ergänzt. Um 8:10 Auer gëtt een Aktualitéitstheema verdéift. "Europa Aktuell" um 7:22 an 8:32 Auer, den "Invité:e vum Dag" um 7:32 Auer, souwéi d'"Presserevue" um 7:16 an 8:16 Auer bleiwe feste Bestanddeel vun eisem Programm.

An der Emissioun "Am Fong" vun 09:00-10:00 Auer beschäftegt sech d'Natasha Ehrmann mat Experten an Expertinne mat engem Theema aus dem Alldag. D'Nolauschterer an Nolauschterinne sinn invitéiert sech mat hire Froen an Iwwerleeungen ze bedeelegen.

Nei ass och d'Emissioun "Kultur um 5", déi sech vu 17:00 bis 18:00 Auer mat der aktueller Kultur befaasst, vu Musek iwwer Theater, Galerien a Literatur bis zu den neiste Kinosfilmer. De Pit Walté begréisst eis radio 100,7 Fachjournalisten a -journalistinnen zu engem labberen, awer gutt informéierten Austausch.
 

Programm Wochendeeg

Programm Wochendeeg owes

Programm Samschdeg

Programm Sonndeg

Eis nei Emissiounen:

Besser informéiert a besser gelaunt an den Dag starten. Mat eise grousse Rendez-vousen an - natierlech - mat vill gudder, alternativer Musek


Mat Experten an Expertinne gräife mir Theemen op aus de Beräicher Recht a Konsumenteschutz, Ëmwelt an Ernärung, Gesondheet a Psychologie, Wëssenschaft an Erzéiung.


Cool Musek a vill praktesch Tipps an Tricks, philosophesch Iwwerleeungen, Wieder a Klimaphenomeener ginn analyséiert, Ëmwelttheemen a Rotschléi mat Ernärungsberoder:innen an engem Biolog 


Firwat net mol d'Mëttespaus verlängeren? De Popfilter kënnt all Dag mat neier Musek an e puer Geschichten.


Dat Wichtegst aus alle Kulturberäicher. Theater, Kino, Literatur, Musek, Konscht a villes méi steet um Programm an eiser labberer Ronn.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen