Victoire fir d'CDU bei de Landtagswalen a Sachsen-Anhalt: D'Chrëscht-Demokraten hunn däitlech gewonnen, déi rietsnational AfD gouf zweetstäerkste Kraaft, mee huet Punkte verluer par Rapport zu de leschte Walen
D'Delta Variant vum Coronavirus wier 40 Prozent méi ustiechend, seet déi brittesch Regierung. Vun haut u gëllen zu Lëtzebuerg verschäerfte Reegele fir Leit, déi aus Groussbritannien op Lëtzebuerg reesen
A Pakistan ass e Passagéierzuch entgleist, een aneren Zuch ass dunn dra gerannt: Ëffentlech rechtleche Medien no wieren op d'mannst 30 Leit ëm d'Liewe komm, et hätt och vill Blesséierter ginn
Haut fänkt zu Stroossbuerg d'Juni-Plenière vum Europaparlament un. Dat Besonnescht dorun: Et ass déi éischte Kéier zanter dem Ufank vun der Pandemie, datt d'Parlament nees zu Stroossbuerg ass
Bal siwe Joer nodeems e Passagéierfliger vu Malaysia Airlines iwwer der Ostukrain ofgeschoss gouf, fänkt haut zu Den Hag an Holland de Prozess géint véier presuméiert Täter un
Lëtzebuerger Fussball Nationalekipp verléiert 0-1 an engem Frëndschaftsmatch géint Schottland
Roger Federer huet sech zu Roland Garros zeréckgezunn, a Serena Williams gouf eliminéiert