Kannerkëscht
Science Prank mat enger Waasserfläsch
8 min
Salut Kanner! Éier mer bei eis Experiment kommen wëll ech iech nach dëst mat op de Wee ginn. Haut ass de 7 Mee a moar dann an der logescher Suite de 8 Mee. Abee den 8 Mee ass den Dag wou all Joers un d'Enn vum zweete Weltkrich geduecht gëtt, well den zweete Weltkrich ass den 8 Mee 1945 op en Enn gaangen.
Den zweete Weltkrich ass wuel mat ee vun de schrecklechste Evenementer dat mer op der Welt haten, a Schold dorunner war een Mann, an zwar den Adolf Hitler. Den Hitler huet mat senger Arméi den 1 September 1939 Polen iwwerfall an dat war den Ufank vum zweete Weltkrich.
Am Juni 1944 sinn déi alliéiert Truppen, dat sinn ënnert anerem Zaldoten aus den USA, England a Kanada an der Normandie am Frankräich mat hire Schëffe ukomm an hunn dunn nach ee Joer gebraucht bis datt se géint déi däitsch Arméi gewonnen hunn. Deen Dag wou d'Zaldoten an der Normandie ukoumen, de 6 Juni 1944 gëtt och den D-Day genannt, vläicht hutt der dat schonn héieren.
Den 30 Abrëll 1945 huet den Hitler sech ëmbruecht, an den 8 Mee 1945 war dunn déi komplett Kapitulatioun, datt heescht déi däitsch Zaldoten hunn hir Waffen ofginn, an de Krich war eriwwer.
Fir ganz vill Länner war den zweete Weltkrich ganz schrecklech an et war och e ganz mäerderesche Krich well et sinn ëm déi 55 Milliounen Mënschen ëmt Liewen komm. A vill Länner an Europa waren zum Deel zerstéiert. Mä wéi gesot war den 8 Mee 1945, moar sinn dat schonn 77 Joer hir, d'Enn vum zweete Weltkrich. Et huet ee gehofft datt esou eppes net méi géif virkommen, mä den Ament hu mer jo déi traureg Realitéit mam Krich an der Ukraine.
Elo dann awer bei Experiment vun haut an d'Michèle Weber vum science.lu an de Jean Claude Majerus si schonn prett fir un ze fänken. Et geet ëm eng Waasserfläsch an firwat Waasser eraus leeft, awer och firwat Waasser net eraus leeft. A wann ech dat richteg mat kritt hunn d'Michèle an de Jean Claude haut wëlles eng ze stiichten.
Hei ass de Link vun dësem Experiment: https://www.tiktok.com/@science.lu/video/6968374319969766662?is_copy_url=1&is_from_webapp=v1
Episoden
De Kleesche kënnt!
Et wäerten, Land op, Land of, vill Kanner um Dill sinn, well et ass Niklosdag.
De Kapitän Mullebutz an de gëllene Plektrum
De Kapitän Mullebutz war op Besuch. Hien ass komm fir iech en neit Lidd ze sangen. Et war schonn alles prett, an do koum déi schrecklech Nouvelle: de Kapitän Mullebutz huet säi Liblingsplektrum, e gëllene Plektrum, net méi fonnt. Wat ass geschitt?
De Jos an d'Léisegeld fir de Roby Robocat
De Jos, de Bop an de Loulou hate sech jo e Roboter gebaut, de Roby Robocat, an deen ass bal zu engem Deel vun der Famill ginn. Mee elo, et ass schrecklech, de Roby Robocat ass verschwonnen. Gouf e gekidnappt? Et gouf Léisegeld gefrot.
Wéi eng Substanz ass et?
Stellt iech emol vir, dir hutt e klengt Dëppche mat engem wäisse Pudder dran, an dir wësst net, wat et ass. Wat da maachen? An eisem Wëssenschaftsstudio vun der Kannerradionuecht hunn d’Michelle Weber an de Joseph Rodesch vum FNR sech domat beschäftegt.
Wat ass eng Geheimschrëft?
Am Wëssenschaftsstudio vun der Kannerradionuecht hunn d’Michelle Weber an de Joseph Rodesch vum Luxemburg National Research Fund, dem FNR, en Experiment gemaach, wou et ëm eppes ganz Geheimes geet, nämlech eng Geheimschrëft.
Wéi mécht d’Police hir Enquête?
An der Kannerradionuecht wollten eis Kannerreporter vum Cycle 4.2 vun Trënteng um Policebureau zu Réimech gewuer ginn, wat d’Aarbecht vun der Police ass, wann eppes geschitt. Wann d’Police dann um “Tatort” ass, wat musse si da maachen?
Si Journalisten och Detektiven?
Fir d’Kannerradionuecht hu mir eis d’Fro gestallt, ob Journalisten a Journalistinnen net och e bësse wéi Detektive sinn. An deen, deen eis do wuel am beschte Ried an Äntwert stoe konnt, ass de Chefredakter vum radio 100,7, de Jean-Claude Franck.
Muppen eng wichteg Hëllef fir d’Police
An der Kannerradionuecht waren eis Kannerreporter aus dem Cycle 3.1 vu Kielen mat hirer Joffer Véronique Maas bei engem ganz spezielle Service vun der Police, an zwar bei der Hondsstaffel.
Wëssenschaftler an Detektiven
D'Michelle Weber an de Joseph Rodesch vum FNR hunn dem Jean Claude, passend zum Theema vun der Kannerradionuecht, erkläert, datt Wëssenschaftler a Wëssenschaft guer net esou wäit ewech vun Detektiven a Kriminologie sinn.
D’Pechschwéngchen an dem Sami seng Nëss
Esou schlëmm et och ass, mee d’Kaweechelche Sami hat d’Nëss gesammelt, fir am Wanter genuch ze iessen ze hunn. An elo op emol sinn déi Nëss net méi do. Wou si se? Huet ee se geklaut? A wie war et?
De Kannerradionuechtsong: Gangster a Ganouven
Fir d’Kannerradionuecht hu mir och dëst Joer e Lëtzebuerger Artist gefrot e Kannerradionuechtsong ze schreiwen. De John Wolter huet sech der Saach ugeholl an erauskoum de Song: “Gangster a Ganouven”, passend zum Theema vun der Kannerradionuecht.
D’Adventszäit fänkt un
Mir steiere lues awer sécher op Chrëschtdag duer, an datkënnt dir jo och schonn dobausse gesinn, well vill Stied an Dierfer hu schoLuuchten eraus gehaange fir eis all an déi richteg Stëmmung ze bréngen.
Déi kleng Spréiw bei der Eil Elodie
D'Spréiwi huet sech de Flillek getéitscht a kann net mat den anere Spréiwen an de Süde fléien. Wat soll hatt dann elo maachen? Vläit kann d'Eil Elodie hier hëllefen ...
D'Kaweechelche Wuschi an déi geckeg Noss
D'Kaweechelche Wuschi huet e Koup Nëss gesammelt a wier u sech prett an de Wanterschlof ze goen. Mee do gëtt et déi eng Noss, déi sech einfach net fänke léisst ...
De Mukami an Halloween
Et ginn zwee Deeg am Joer, déi de Pit besonnesch gären huet, dat ass Chrëschtdag an Halloween.
Den Dausendbéngchen an d'Sanni-Spann
Den Dausendbéngchen ass gehäit. Hien ass vill dorëmmer gereest an elo huet hien seng dausend Féiss wéi. Hien brauch elo onbedéngt Schong!
Summerorchester am Beetebuerger Park
Dem Heesprénger säi Bou ass futtigaangen. Elo kann hie keng Gei méi mat senge Kolleegen am Beetebuerger Park spillen ... Mee brauch hie wierklech säi Bou, fir kënne Musek ze maachen?
De Jos an de King Gangsta Buba Ti
De Summer ass jo dacks och Zäit, an där Musiksfestivaller oder ganz speziell Concerten organiséiert ginn. Abee, dat ass an dëser neier Geschicht vum Jos net anescht.
De Mukami geet op d’Plage
Och fir de Mukami an de Pit ass elo Vakanz, obschonn de Mukami net richteg weess, wat esou eng Vakanz iwwerhaapt ass.
