Sot emol
Jemp Schuster: "Vun der Musek bei den Theater"
56 min
De Jemp Schuster ass en Theatermënsch duerch an duerch. An no der Pandemie steet nees Fräiliichttheater am Prommenhaff zu Groussbus op der Affiche. Vum 21. Juli u bis den 30 Juli weist d'Asbl Schankemännchen dem Alfred Jarry säi Wierk "Ubu Roi" op Lëtzebuergesch. D'Asbl ass 1993 gegrënnt ginn, also viru gutt 30 Joer, an doriwwer huet de Jemp Schuster de Moie verzielt.
Et war keen do fir d'Regie
De Jemp Schuster huet als Jugendlechen an der Groussbusser Musek gespillt, an d'Musek huet och all Joers fir Chrëschtdag en Theaterstéck op Bün bruecht. De Jemp Schuster huet och e puer Mol gespillt, bis se op emol kee méi hate fir Regie ze maachen, dunn huet hien iwwerholl.
"Dunn hat ech iergend e Stéck fonnt, wou ech geduecht hunn: dat do kéint ee maachen. An do waren awer net genuch Rollen dran. Do hunn ech der dobäigeschriwwen, dat war en aalt Stéck, et ware keng Rechter méi drop wat och ëmmer, deemools huet kee sech Gedanken doriwwer gemaach.(...) An dono wou mer gespillt hunn, do hunn d'Leit am meeschten iwwert dat gelaacht wat ech dobäigeschriwwen hat an do hunn ech geduecht, dat ass vläicht net esou falsch wann s de dat méchs."
Dono huet de Jemp Schuster dann och säin eegene Kannertheaterensembel "Jaddermunnes" gegrënnt an 1985 huet an der Schoul opgehalen a säi Liewe mam Theater verdéngt.
De Kraidergäertche gouf vernoléissegt
De Jemp Schuster, wann een emol net am Theater ënnerwee ass, liest gären, lauschtert Musek, e kacht ganz gären a wéi et schéngt och gutt a wann d'Wieder et zouléisst, ass hien dobaussen, wou en e Kraidergaart huet deen him vill Freed mécht, ma deen awer net méi esou gutt a Form ass. An dat kënnt dohier, datt et dem Jemp Schuster schwéier fält eppes wat wiisst ewech ze maachen.
"A bei mir hannenaus do wuessen esou vill Straich a Beem, déi ech ni gesat hunn, mee d'Vullen hu mer déi gesat an déi wuessen. An déi sinn an der lescht esou gewuess, datt keng Sonn méi an dee Kraidergaart komm ass.(..) An déi Kraider sinn do verkëmmert well se keng Sonn méi kritt hunn. An elo hunn ech mech dann dohinner gestallt an ech hunn de Secteur eraus geholl an ech hu mol probéiert e bësse Luucht do eran ze bréngen."
Fir de Fräiliichthteater mam Jemp Schuster sengem "Kinnek Ubu" zu Groussbus am Prommenhaff gëllt de Site "schankemaennchen.lu".
Episoden
Jean-Paul Raths
De Lëtzebuerger Schauspiller a Regisseur deen zanter 1979 als Schauspiller op ville Bünen hei a virun allem am däitschsproocheg Raum ënnerwee ass.
Stephan Quintus: A Schweden en neit Dohemm fonnt
De Stephan Quintus ass mat senger Fra an seng véier Bouwen a Schweden ausgewandert. An iwwert hiert neit Liewen erzielt hien als Invité dem Jean Claude Majerus an der Emissioun "Sot emol"
Jean Portante: Schwaarz Gezei a roude Schal
De Poet a Schrëftsteller an zanter dem Ufank Mataarbechter vum radio 100,7 Jean Portante ass déi Kéier den Invité beim Jean Claude Majerus an der Emissioun "sot emol"
Guy Conter: E räicht Musekerliewen
De Invité déi Kéier am Sot de emol ass de Museker an Museksprf am Escher Conservatoire de Guy Conter.
Anne Simon: Vu London op Lëtzebuerg
D‘Regisseurin Anne Simon déi scho ganz fréi d‘Iddi vum Theater am Kapp hat ass déi Kéier Invitée beim Jean Claude Majerus an der Emissioun „Sot emol“
Hannah Noack: Musical ass meng grouss Passioun
D’Enseignante fir moderne Gesang a Vokalpädagogie huet Musical a Musekserzéiung studéiert, ass deemno gutt positionéiert fir iwwer d’Musicalwelt ze schwätzen.
Eugène Prim: Mäi Liewe a mäi Wee mam Orchester
No bal 35 Joer huet den Eugène Prim als Generaldirekter vun der Solistes Européens, Luxembourg opgehalen, hien, deen dësen Orchester matgegrënnt huet.
Marie-Josée Jacobs
De Mënschen ze hëllefen, dat passt bei d’Invitée: Infirmière-Anästhesistin, aktiv an der Gewerkschaft, zwanzeg Joer Ministerin an elo benevollen Engagement bei der Caritas.
Kimberly Darcy Mae
D‘Invitée war Héichleeschtungssportlerin. Karate war an ass nach eng Passioun.
René Closter: "Mir brauchen en Helikopter, ça passe ou ça casse“
De Grënner a President vun der Luxemburg Air Rescue ass den Invité. 1988 ass d’Luxemburg Air Rescue mat engem gelounten Helikopter lassgaangen.
Isabelle Braun-Dominicy: "Et mécht nach ëmmer ganz vill Freed"
Seet d'Invitée, d'Pianosproff an Enseignante fir d'Formation musicale.
Carlo Link: Radio, seng grouss Passioun
E Radiosmënsch, mat deem mir bei d‘Originne vum radio 100,7, dem soziokulturelle Radio, wéi soss gesot gouf, zeréckginn.
Ben Claus: De Panzpiano an d'Kap
Oder einfach nëmmen "De Claus" ass den Invité. Hie spillt a séngt d’Hitparad vun de Lëtzebuerger Lidder erop an erof.
Jean Paul Raths: Ouni Theatererfarung op d'Schauspillschoul
De Lëtzebuerger Acteur a Regisseur war den Invité.
Eugène Prim: Mäi Liewe a mäi Wee mam Orchester
No bal 35 Joer hält den Eugène Prim als Generaldirekter vun der Solistes Européens, Luxembourg op. Hien hat den Orchester mat gegrënntt.
Marie-Josée Jacobs: De Mënschen hëllefen!
Déi fréier Politikerin ass virun allem e Mënsch, dee gären aneren hëlleft.
Jérome Merker: Eleng iwwer den Atlantik
Dem Lëtzebuerger Seegler ass et als éischte Lëtzebuerger gelongen eleng iwwer den Atlantik bis op Guadeloupe ze seegelen.
Kimberly Darcy Mae: Vum Tatami op d'Bün
Déi fréier Héichleeschtungsportlerin Kimberly Darcy Mae, déi bei d'Schauspillerei gewiesselt huet, ass d'Invitée.
