Bewosst Gesond
Planzen-Alternative wéi Kokos-, Mandel-, Huewer- oder Soja-Drink
12 min
Si schounen d'Ëmwelt a sinn gutt verdaulech awer d'Qualitéit vun den Inhaltsstoffer an d'Närwäerter sinn net ëmmer optimal. Et fënnt een hautdesdaags och ëmmer méi Alternativen aus Nëss, Soja, Weess, Räis oder Sonneblummekären. Mee sinn dës Alternative wierklech ëmmer gutt?
Bei klenge Kanner dierf een dës Alternativen net als Ersatz fir Mëllech huelen. Zesummesetzung vun den Närstoffer huet mat Mëllech näischt ze dinn, an et kann zu Mängel mat irreversibele Konsequenze kommen. Aus deene Grënn dierfe gesetzlech gesinn déi Alternativen net Mëllech genannt ginn. Den Term Mëllech ass geschützt a bezitt sech ausschliisslech op Koumëllech. Fir erwuesse Leit, déi gesond sinn, kënnen déi planzlech Alternativen awer interessant sinn.
Et lount sech awer e Bléck op Etikett: idealerweis enthält d'Gedrénks aus Planzen tëschent eelef an 12 Prozent vun der Basis-Planz. Och Zousazstoffer wéi Zocker, Séissungsmëttel, Konservéierungsstoff asw. sollten der esou wéineg wéi méiglech bäigesat sinn.
Haapt-Ingredienten an der Mëllech si Proteinnen, Kalzium, Phosphor a B- Vitaminnen. Déi sinn an de Pflanzenalternativen net d'selwecht gutt vertrueden. Den Equiliber mécht sech awer iwwer den Dag an net iwwer ee Liewensmëttel eleng, esou datt een dës Närstoffer och iwwer en anere Wee kann erakréien.
De Sojadrink enthält zum Beispill vill Proteinnen, déi och vun der Aminoseier-Zesummestellung interessant ass. Verschidde Geméiszorte wéi Brokkoli, grénge Kabes a Rucola a verschidden Nëss si gutt Kalziumliferanten. Allerdéngs gëtt aus de Planzen de Kalzium allgemeng manner gutt genotzt. Oxal- a Phytin-Seier aus dem Geméis, Weess a Som verhënnert d'Disponibilitéit.
Am Mineralwaasser ass de Kalzium an ioniséierter Form, déi de Kierper gutt ophuele kann. Vun 150 mg Kalzium pro Liter u ka sech e Mineralwaasser mat vill Kalzium nennen. Beim Gedrénks op planzlecher Basis dofir idealerweis ëmmer déi wielen, déi mat Kalzium ugeräichert sinn.
Am Studio ass d'Ernärungsberoderin Stéphanie Rosquin
Praktesch Tippen:
Soja an Huewer flockt net grad esou aus a passt gutt fir Gratin. Eng Mëschung Soja an Huewer ass hei och gutt
Lëscht vun den Ingrediente kucken: esou vill vu Mandel/Soja asw. wéi méiglech: 11-12 Prozent, Bioqualitéit ass besser
Vun den Närstoffer hier kann een et awer net als Alternativ zur Mëllech gesinn
Selwer gemaachte Planzenalternativen:
Cashewdrink:
50g Cashewkären
2 Dattele
500ml kachend Waasser
Salz
eventuell di rout Alg " lithothamnium calcareum ".
Alles mixen.
Et hält sech bis zu 3 Deeg am Frigo
Jughurt:
50 g réi Hirse (millet)
50 g Cashewnëss
25-40 ml Zitrounejus
500 ml Waasser
4-8 Dattele
Alles mixen
(Rezepter vun der Edith Gätjen)
Huewerdrink:
1,5 l Waasser zum Kachen bréngen
100 g Huewerflacken dobäi ginn. E bëssen Salz dobäi maachen
Wann ee wëllt kann een och gäre bëssen Hunneg oder Dattel dobäi gi fir ze séissen
1-2 Minutten lues kache loossen
Ofkille loossen a mat engem Mixer reng püréieren
Da Mëschung an en Nossmëllech-Säckelche maachen an all Flëssegkeet erausdrécken
(essen und trinken.de)
Quellenangabe:
Ugb.de: Ein Traum in Reis
Dge.de
Edith Gätjen, Dr. Markus Keller. Vegane Kinderernährung: gut versorgt in jeder Altersstufe. s.l.: Eugen Ulmer KG, 2020.
Dr. Markus Keller, Edith Gätjen. Vegane Ernährung: Schwangerschaft, Stillzeit und Beikost; Mutter und Kind gut versorgt. s.l.: Eugen Ulmer KG, 2017
Springlane. [En ligne] [Citation: 23 01 2021.] https://www.springlane.de/magazin/pflanzliche-ernaehrung/
Rittenau, Niko. Vegan-Klischee ade! Wissenschaftliche Antworten auf kritische Fragen zur veganen Ernährung. s.l.: Ventil Verlag UG, 2019
Spiegel.de: Wie gesund ist Hafermilch?
Episoden
Revisioun vun de politesche Fuerderunge vu Foodsharing Luxembourg
Liewensmëttelverloschter a -verschwendung bleiwen ee vun dee gréisste Problemer, déi eis modern Gesellschaft ugoe muss.
Wisou ass en gemeinsamt Familljeniessen esou wichteg?
Eng ganz Rëtsch vu wëssenschaftlechen Etüde weisen, dass zesummen Iesse méi ass wéi nëmmen d'Erfëlle vun den alldeegleche Besoinen.
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
Den Hunneg a a seng erstaunlech Wierkungen
Souwuel als Liewensmëttel wéi och an der Kosmetik beléift, an e gëllt och als Heelmëttel.
Fuddermëttelkontroll: Iwwerwaachung vun der Fuddermëttelsécherheet fir Notz- an Hausdéieren
D’Fuddermëttelkontroll vun der ALVA këmmert sech zu Ettelbréck ëm d’Iwwerwaachung vun der Fuddermëttelsécherheet fir Haus- an Notzdéieren.
Alles ronderëm den Huewer
Huewer ass méi Nährstoffräich wéi aner Kärenzorten
Stressiessen
An enger Zäit wou Stress en ëmmer präsenten Begleeder ginn ass, greife vill Leit zu Iessen als Copingmechanismus. Mee wat genee ass Stressiessen?
Fake News am Beräich Ernärung
Et ginn eng Onmass Zäitschrëften, Bicher, Internetsäiten iwwer gesond Ernärung,iwwer Regimmer oder Rotschléi fir physesch méi fit ze ginn. Wéi weit sinn dös Informatioune richteg, wéi funktionéiere fake News?
Tourismus a Wuelbefannen an der École d’Hôtellerie et de Tourisme du Luxembourg
Eng Weltrees, déi op 4ème ze Lëtzebuerg an an der Groussregioun ufänkt an op der 1ère a Mikronesien am Pazifik ophält
Permanent Kontrollen um Findel vun der Lëtzebuerger Veterinärs- an Liewensmëttelverwaltung
D'ALVA, d'Administration luxembourgeoise vétérinaire et alimentaire kontrolléiert reegelméisseg vill Déieren a grouss Quantitéite Planzen a Liewensmëttel aus Drëttstaaten, déi bei eis an d‘Land importéiert ginn.
Gutt iessen, gutt lafen
Déi richteg Ernärung fir e Marathon ze lafen
