Am Fong
"Um Ball - 50 Joer Fraefussball zu Lëtzebuerg"
55 min
De Fraefussball huet zu Lëtzebuerg eng Geschicht, just kennen déi mannste Leit se. Dat huet eng Partie Ursaachen; virop e banal a sexistesche Grond: de Fraefussball ass als Konzept ëmmer nach net an alle Käpp ukomm.
Eng gesammelt Geschicht vum Lëtzebuerger Fraefussball gëtt et bis elo net. Den Documentaire "Um Ball" ass deen éischte Projet, dee sech mam beléiftste Sport zu Lëtzebuerg auserneesetzt. Et ass en Zäitdokument, eng Bestandsopnam vun de leschte 50 Joer, en Documentaire, deen hëlleft ze verstoen, wisou de Fraefussball haut esou ass.
D'Journalistin Tessy Troes huet mat der Soziolinguistin Sarah Muller de Sujet recherchéiert a béid Frae sinn dofir 50 Joer zeréck an d'Zäit gereest. An d'Joer 1972, op Biissen, wou e Grupp jonk Frae sech zesummegedoen huet, fir Fussball ze spillen. Och zu Monnerech an zu Nidderkuer goufen déi Zäit Ekippe gegrënnt. D'Matcher sinn deemools virun engem Public ausgedroe ginn, deen d'Fraen net allze seriö geholl huet, iwwerdeems d'Dammen ouni Lizenzen oder Clibb, Championnater gespillt hunn.
70 Minutte laang suivéiert den Documentaire iwwer Extraite vun Zeitungsartikelen a Videomaterial d'Liewe vun dëse Pionéierinnen um Terrain. Temoignagen, déi beleeën a wéi wäit et deemools net vill Akzeptanz fir Fussballerinnen gouf. Spréch wéi: "Elo kréie mir eppes ze laachen", oder "wëlls de dech net Heem hanner d'Kachdëppe stellen", waren Usus, an awer hunn d'Frae weider trainéiert, gespillt, am Bulli an de Wisen.
Datt si net eescht geholl goufen an offälleg Remarken ze héiere kruten, war hinnen egal, si sinn hirer Passioun, dem Ball, nogelaf, a wollte ganz einfach Fussball spillen. Dacks mat net manner Engagement, Schweess a Kompetitiounsgeescht wéi d'Männer.
De Film weist och d'Versich am turbulenten éischte Véierelsjoerhonnert Fraefussball eng Nationalekipp ze grënnen, e BeNeLux-Tournoi a mam Progrès Nidderkuer eng Ekipp, déi jorelaang duerch d'Belsch an Däitschland fiert, fir iwwerhaapt kënnen e Fussballchampionnat ze spillen.
Ufanks den 2000er kënnt et dann zu engem richtege Boom am Lëtzebuerger Fraefussball - mat enger historescher WM-Qualifikatioun 2021/2022, wou et Lëtzebuerg geléngt, dräi Matcher ze gewannen.
Wat huet sech dann an der Mentalitéit zanter de 1970er Joren verännert? Wéi kuckt d'Welt 2023 op de Fraefussball? Wat huet d'Pionéierinne gedriwwen, a wéi wäit si si Feministinnen?
Am Fong geet der Saach op de Fong. D'Natasha Ehrmann féiert duerch d'Gespréich mat der Tessy Troes, Realisatrice vum Documentaire an der Sarah Müller, Soziolinguistin.
Episoden
10 Prozent vun der Planzendiversitéit zu Lëtzebuerg si fort
De Botaniker a Fuerscher Guy Colling vum natur musée ass den Invité, am Kader vum Weltdag vun de menacéierten Aarten.
Take Off - Science Challenge Show
Invitéiert sinn zwee Wëssenschafts-Kommunikatoren: D'Lucie Zeches an de Joseph Rodesch, allebéid vum Fonds National de la Recherche, FNR.
Walen 2023 - Gëff de Kanner eng Stëmm
Invité ass de Paul Heber, dee bei der Unicef fir d'Kommunikatioun zoustänneg ass.
Achtsamkeet a Rou am Schoulalldag
Kanner an der Grondschoul hunn dacks hektesch Deeg ouni Pausen. D'Achtsamkeetspädagogin Danielle Thurmes suergt dofir, datt si déi kréien.
Wikipedia op Lëtzebuergesch
D'Vertrieder vun der ASBL Wikimedia, mat der Missioun fräit Wëssen ze verbreeden an iwwer Wikimedia-Projeten ze sensibiliséieren: Marc Espen, Jean-Louis Gindt a Gilles Peter.
Spagat tëschent Schoul a Beruffswelt
De Sascha Lang ass Invité, de Sujet ass Inklusioun.
Angscht viru Kënschtlecher Intelligenz?
Wéi wäert AI eis Gesellschaft, eis Kultur an den Aarbechtsmaart veränneren? Äntwerte ginn et vum Prof. Dr. Christoph Schommer.
Gläichstellung am Sport: Eraus aus dem Abseits!
Invitée ass d'Joëlle Letsch. Mat der fréierer Presidentin vum Fraerot ginn d'Ënnerscheeder tëschent Mann/Fra am Sport analyséiert.
Mobbing an der Schoul
Invitéiert sinn d'Claire Russon, Attachée à la direction am CePAS an de Kevin Veiga, deen iwwer seng Experienz als gemobbte Persoun schwätzt.
Beienhaus ASBL: Participatiivt Wunnen
Invitéë sinn d'Astrid Lauterbach an d'Marthy Anne Becker vu der ASBL Beienhaus an d'Anne Frostin an de Patrick Chrétien deelen hir Erfarungen an enger Kooperativ bei Lyon.
E-Autoen: Mat Elektro a Richtung Nohaltegkeet?
Invitéiert si vun der Klima-Agence de Fenn Faber an de Yann Trausch. An ee ferventen Aficionado vun der E-Mobilitéit, de Lucien Reger
Sozial Ongläichheeten an Antidiskriminéierung
Mat der Antidiskriminéierungstrainerin a Kënschtlerin Manon Diederich geet rieds iwwer Muechtverhältnisser a Minoritéiten an der Gesellschaft.
INFPC: en ëffentleche Service am Déngscht vum Lifelong-learning
D'Anne Oswald, Responsabel vu lifelonglearning.lu an d'Cathia Gromczyk, Responsabel fir d'Kommunikatioun beim INFPC, sinn am Studio.
Seniors For Climate Luxembourg: Am Kampf géint d'Klimakris
De Norbert Noben, de Simon Norcross an de Lucien Reger sinn allen dräi Member vun der jonker Associatioun an Invitéen am Studio
Inclusioun: Lobbyismus an Aktivismus
De Sascha Lang ass haut Invité fir iwwer Aktivismus a Lobbyismus ënner Mënsche mat Behënnerung ze schwätzen
Accès zu Bildung an ongläiche Gesellschaften
D'Professorin Dr Tanja Betz ass Expertin an der Fuerschung vun Inegalitéit am Schoulsystem an an der non-formaler Bildung. Si konzentréiert sech op d'Relatioun mat den Elteren an de Famillje
