Kannerkëscht

D’Theema vun der Kanneradionuecht war de Weltraum, Erfindungen, Roboteren a Wëssenschaft. Natierlech war et eis och wichteg, datt mir e Wëssenschaftler an eisem Programm hunn. An dofir hate mir an der Kannerradionuecht direkt e puermol Besuch vum Professer Dr. Dr. Frank Jean Eustache Huddlafatz, dee welt-aller-beschte wëssenschaftleche Wëssenschaftler. An dofir hei en Zesummenschnëtt vum Professer Huddlafatz senge wëssenschaftlechen Intermezzi beim Tessy a beim Jean Claude an der Kannerradionuecht.