Musek Dräi Placke vun 2018 fir ënner de Beemchen

Dräi Albumen hunn aus dem Cru vun 2018 erausgestach. Am éischten Deel vum musikalesche Réckbléck vun 2018, stellt de Marc Clement Jassbusters, Clean an Endless Scroll vir.

Marc Clement / cz

Marc Clement
Marc Clement

Dräi Albumen hunn aus dem Cru vun 2018 erausgestach. Als kleng Opmierksamkeet ënner de Beemchen oder fir no de Feierdeeg eppes Neies ze lauschteren ze hunn, ass dem Connan Mockasin seng Plack "Jassbusters" ee klenge Bijou. Op e rauschesch-lauschescht Tounband opgeholl an ënner dem Mantel vum Dilletantismus schwieft de Mockassin op genee der gudder Well tëschent liddereg-fléissender Interpretatioun an Effizienz.

Deen zweeten Album, dee mir Iech réckbléckend ënner de Chrëschbeemche leeë wëllen, offréiert Indie-Rock mat enger ganz weiblecher Touche. Op hirem Debutalbum kléngt Soccer Mummy wéi eng Sheryl Crow, ouni poppeg Kompromësser a mat engem schéine Sound. "Still Clean", deen éischten Track fänkt mat knaschtege Gittarenaccorden un, wéi se dann op eng Opnam kommen, wann de Mikro d'Schrupppen op de semi-akustesche Säiten zesumme mam Summen a Schale vum Verstäerkersound am Raum captéiert. Ee vun den Héichpunkter vun der Plack ass "Your Dog", dat engem esou séier net aus dem Kapp geet.

Am Juli si Bodega bei eis ukomm. E Quintett aus zwee Typpen an zwou Mossen, déi zesummen de Postpunk vun den Talking Heads oder Devo mat sardonescher Selbst- a Gesellschaftskritik verbannen.

Esou wéi hei op "How Did This Happen", op deem deene fënnef hir direkt Lyrics an danzbare Groove näischt ze wënschen iwwreg loossen.

An der Mediathéik:

Album vun der Woch / / Marc Clement
Lauschteren

Méi zum Thema

Daniel Romano
Daniel Romano - Finally Free

Den Daniel Romano liwwert mat "Finally Free" eng intim psychedelesch Folk Plack, déi gutt an d'Wanterzäit passt. Den Album iwwerzeegt duerch seng präzis a gläichzäiteg locker Produktioun.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen