cabane - Grande est la maison E kollaborative laangjärege Projet

Onwarscheinlech Projeten dierf een net hetzen. Déi lescht fënnef Joer huet den Thomas Jean Henri gedëlleg an der Belsch en heemlecht Wierk orchestréiert. Seng Collaborateure waren nämlech net egal wien.

Jamie Reinert / cbi

Cabane
Den Thomas Jean Henri

"Och wa mer eng kleng Häip brauche fir eis zeréckzezéien, dierf een net vergiesse säin Haus oppen ze loossen", seet den Thomas Jean Henri. De Bréisseler huet sech déi lescht Joren deementspriechend vill a seng Cabane viru schlechtem Wieder geschützt.

Seng Lidder sinn éierlech a romantesch, scheien net vu grousse Gefiller. Mee wéi den Titel vum Album et seet, ass säin Haus grouss. "Grande est la maison" ass am Kär vläicht eng solitär Visioun vun engem gebuergene Bléckwénkel aus, mee d'Ëmsetzung ass héchst kollaborativ.

De fréiere Batteur vun de belscher Formatioun Venus an déi eng Hallschent vu Soy un caballo huet op sengem neie Projet Folk Gréisste vu London, Paräis a Louisville zesummebruecht. Op de Vocals, de Will Oldham aka Bonnie Prince Billy an d'Kate Stables vun This is the kit. De Sean O'Hagan vun The High Llamas huet d'Sträicher-Arrangementer geschriwwen.

Organesch a lëfteg

Den Thomas Jean Henri huet zu Bréissel an op der belscher Plage d'Lidder déi lescht fënnef Joer geschriwwen. Um Album héiert een hien op der dréchener Gittar, déi dezent vun Akkord op Akkord danzt souwéi um Vibraphon.

Seng organesch a lëfteg Lidder si fruchtbare Buedem fir déi duuss Stëmme vun der Kate Stables a vum Will Oldham. An dem Sean O'Hagan seng ënnerdriwwen a verdreemten Arrangementer ginn der Aarbecht vum Nick Drake Arrangeur Robert Kirby gerecht.

Am Virfeld vun der Release vu "Grande est la maison" dëse Freideg huet den Thomas Jean Henri e Kuerzfilm erausbruecht, op deem e Frënn a Famill iwwer de Sënn vum Musekmaachen, de Kreatiounsprozess an dem Kënschtler seng Erwaardungen ausfreet.

En emouvant Wierk, op deem een ze spiere kritt, wat et bedeit Museker ze sinn, a wéi schwéier et engem fale kann e laangjärege Projet lasszeloossen.

Mat senge waarmen a gefëllten Harmonië Straicher a Vocalharmonien hëlt engem den neie cabane Album engem den Otem ewech. "Grande est la maison" bitt eng perséinlech Visioun, déi unhand vu magesche Collaborateuren oplieft. Déi einsam Nuechten um Pult hunn hir Friichte gedroen.

An der Mediathéik:

Album vun der Woch / / Jamie Reinert
Lauschteren

Méi zum Thema

Moses Boyd
Moses Boyd - Dark Matter

Den Jazz an den Hip-Hop gi sech an de Stroosse vu Brixton zanter e puer Joer d'Hand. Aus dësem neie Melting Pot kënnt eisen Album vun der Woch. En Album mat Feier dohannert.

Alice Boman - Dream On 2
Alice Boman - Dream On

D'Alice Boman ass d'Lovechild vum Angelo Badalamenti an der Julee Cruise, wann déi Twin Peaks Musek gemaach hätten, fir en Twin Peaks, an deem kee Laura Palmer ëm d'Liewe komm wier.

Dan Deacon
Dan Deacon

E Klang-Experiment mat Papageien, dat Positiivt um Mësserfolleg an eng Obsessioun mat mechanesche Pianoen. Den Dan Deacon schwätzt iwwer seng nei epesch a bont Scheif "Mystic Familiar", a villes méi.

Seu & Rogê
Night Dreamer Direct-To-Disc Sessions

Keng Postproduktioun, onnéideg Takes oder Gekniwwels. De Seu Jorge a Rogê sinn ouni Kappzerbrieches un hir éischt offiziell Collaboratioun erugaangen an hunn op eng direkt Manéier e puer Lidder opgeholl.

Programm

  • Resonanzen

  • On air

    Spektrum

  • Ënnerwee

  • Noriichten

  • Trendscheif

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen