London Symphony Orchestra Eng imaginär Orchesterrees

Originell, kreativ a vill Humor: De Joseph Haydn erstaunt säi Publikum nach 200 Joer no sengem Doud. De Simon Rattle invitéiert, dee fir hie "wahrscheinlech am meeschten ënnerschate Komponist" bei enger imaginärer Orchesterrees nei kennenzeléieren.

Luc Boentges / cbi

Haydn

De Joseph Haydn gehéiert zu der scho bal helleger Klassik-Trias "Beethoven-Mozart-Haydn". An trotzdeem beschreift den Dirigent Simon Rattle hien als ënnerschate Komponist. Firwat? Seng Musek steet oft ganz am Ufank vu Concerten, souzesoen als musikaleschen Amuse-bouche. Vläicht läit dëst un der Längt vu senge Sinfonien. Mat 20 bis 30 Minutten si si bei wäitem net esou imposant wéi eng duebel esou laang Bruckner-Sinfonie.

Vläicht läit et awer och um Charakter vun de Stécker. Duerch dem Haydn säi wuelbekannten Humor, dee sech a ville vu senge Wierker erëmspigelt, gëtt seng Musek dacks als net esou seriö wéi zum Beispill déi vum Beethoven ugesinn, bei där jo ëmmerhin d'Schicksal héchstperséinlech un d'Dier klappt. An trotzdeem soll een dem Haydn seng Musek net ënnerschätzen. Fir de weltbekannte Komponist nei z'entdecken, huet de Simon Rattle elo eng Compilatioun vun "zukunftsweisenden" an ausgefalene Stécker - gréisstendeels Extraiten aus ganze Wierker - zesummegestallt.

Extremer, déi zesumme passen

107 Sinfonien, 24 Operen a 14 Massen - dem Joseph Haydn säi Wierk ass riseg. An eben esou grouss sinn och d'Extremer, an deenen hie sech beweegt. Op där enger Säit huet hie ganz seriö Stécker geschriwwen: "Die sieben letzten Worte unseres Erlösers" oder och "Die Schöpfung". Op där anerer Säit konnt hien et awer dacks net loossen e Witz a seng Stécker anzebauen. An der 60. Sinfonie "Il distratto" (Der Zerstreute) huet hie Feeler era komponéiert, an an der 90. hëlt hien de Publikum op d'Schëpp. Den Haydn huet nämlech e falsche Schluss geschriwwen, bei deem d'Leit oft scho klappen, ouni datt d'Sinfonie eriwwer ass.

All dës Stécker fënnt een op der Kompilatioun vum Simon Rattle, ouni datt d'Bréch ze staark wieren. Obwuel d'Stécker staark variéieren tëschent Witz a Seriositéit, séier a lues, enger grousser a klenger Besetzung (dat geet vum vollen Orchester bis hin zu enger Flüttenauer), si si awer esou zesumme gestallt, datt se quasi eent an dat anert eriwwer ginn. Schlussendlech kënnt ee sech tatsächlech vir, wéi bei enger musikalescher Rees, mat lauter verschiddene Statiounen.

E Klang deen iwwerzeegt

Technesch gesinn gëtt et op dësem Disk bal näischt auszesetzen. Den Orchester ass extrem kloer, ouni awer datt en ze analytesch-transparent wier. Virun allem beandrockt, wéi gutt déi eenzel Orchestergruppen am Raum verdeelt sinn. Ee Manktem ass allerdéngs, datt et Live-Opname sinn. Bei ganze Wierker verzeit ee kleng Feeler, liicht falsch Intonatiounen an ze fréi Asätz dacks a gären, well se am Ganzen agespillt goufen an doduercher e gréissere Bou entsteet. Wann et awer lauter kleng Stécker sinn, fänken se un ze irritéieren. Alles an allem ass dëst awer just e klengen negative Punkt bei enger u sech super gelongener CD.


D'Klassik-CD vun der Woch gëtt vun zwee Memberen aus der Museksredaktioun gelauschtert. All Kéiers mëttwochs géint 14h40 diskutéiere si dann iwwer d'Opnam. Eenzel Ausschnëtter aus dem Disk ginn iwwert déi ganz Woch verdeelt am Magasinn Resonanzen gespillt.

Méi zum Thema

Herold
Chouergesank

Vun dësem Freideg un ass den Arend Herold offiziell den neien Direkter vum INECC. Hien assNofolger vum Camille Kerger, deem seng Aarbecht hie wëllt weiderféieren, awer mat neien Akzenter.

Vertragsunterzeichnung 23.1.2018 Generalmusikdirektor Sébastien Rouland, Saarländisches Staatstheater, Mittelfoyer, von links: Kaufmännischer Direktor und Geschäftsführer Matthias Almstedt, Kultusminister Ulrich Commerçon, Sebastien Rouland, Intendant Bod
Saarbrecker Staaatstheater

De franséischen Dirigent krut e Kontrakt fir véier Joer als Generalmusikdirektor vum Staatstheater. Seng Projeten féieren hien als Gaaschtdirigent an déi gréissten Operenhaiser op der Welt.

Stefan Blunier Beethoven Orchester Bonn
Klassik-CD vun der Woch

Den Beethoven Orchester vu Bonn mam Dirigent Stefan Blunier proposéieren eng brilliant Interpretatioun vu "Festliches Präludium" vum Richard Strauss an dem Franz Schmidt seng zweet Sinfonie.

Khatia Buniatishvili
Klassik-Star am Interview

Wat verbënnt déi weltbekannt Pianistin mat Lëtzebuerg? Wéi eng Bedeitung huet de Franz Liszt fir si? An huet een als Weltstar nach Lampenfieber? D'Khatia Buniatishvili am Interview.

Programm

  • Notturno

  • On air

    Virum Dag

  • Panorama

  • Moies-Magazin

  • Noriichten

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen