Musek-Legend Gary Numan: No vir kucken, net no hannen

De Gary Numan ass ee vun de wichtegste Museker fir d'Entwécklung vun der Popmusek an de leschte 40 Joer. Säin Album "Replicas" war deen éischte Synth-Pop Album, deen et a Groussbritannien op déi éischt Plaz vun den Charts gepackt hat. 39 Joer méi spéit spillt de Gary Numan fir d'éischte Kéier zu Lëtzebuerg. Mir hunn de Museker getraff.

Yves Stephany

Gary Numan
De Gary Numan 2017 zu Stanton (Foto: picture alliance)

"Replicas" war ee vun de wéinegen Albumen, déi d'Welt verännert hunn. Human League, Orchestral Manoeuvers In The Dark oder Depeche Mode haten alleguer nom Gary Numan Succès. Hien huet d'Dier opgemaach.

Ob sou eng Verännerung am Pop haut nach eng Kéier méiglech wier? Jo, seet de Gary Numan. Awer hie géif net gesinn, wéi dat sollt goen. Et wier éischter sou, datt d'Museker ëmmer nees dat géife widderhuelen, wat schonn existéiert. Si géifen no hanne kucken, amplaz no vir.

Deen neien Hype vun analoge Synthesizere kann de Gary Numan net verstoen. "Ech war do, firwat sollt ech déi al Synthesizeren aus dem Schaf huelen an nees domat schaffen? Vu mir aus gesinn ass dat keng besonnesch spannend Entwécklung." Hie wier u Kläng interesséiert, déi een nach net géif kennen.

Donald Trump

Op sengem neien Album "Savage (Songs From a Broken World)" zeechent de Gary Numan, wéi sou dacks, d'Bild vun enger dystopescher Welt. Awer seng nei Story ass méi staark an der Realitéit verwuerzelt, wéi soss. De Backdrop ass eng global Dréchent, ervirgeruff duerch d'Äerderwiermung a Reliounskricher ënner de Wüstevëlker. Op d'Fro, ob et e politesche Message gëtt, äntwert den Numan: Donald Trump.

Wéi hien Enn 2015 ugefaangen hätt um Album ze schaffen, hätt den Trump sech fir d'Wahle positionéiert. "Hien huet iwwer verschidden Traitéë geschwat. D'Paräisser Ofkommes war dat, wat mech am meeschte beonrouegt huet. Hie sot, dat wier onfair fir Amerika, an datt mir eis géifen do erauszéien, wann hie géif President ginn." Den Niveau vun Onwëssenheet hätt hie schockéiert, seet de Gary Numan.

Happy Birthday, Gary Numan

Wat den Trump méi Succès gehat hätt, wat den Numan méi Lidder geschriwwen hätt. D'Resultat kann een um neien Album héieren. Nom Album soll iwwregens e Buch kommen. Wann d'Carrière als Museker eriwwer wier, géif hie sech gär als Auteur lancéieren, seet de Gary Numan.

Deen aktuelle live-Set wier net immens nostalgesch. "Et dréint sech haaptsächlech ëm dat, wat ech momentan maachen, oder wat ech a leschter Zäit gemaach hunn. Mä et ginn e puer Blécker an d'Vergaangenheet gehäit."

Den Dag virum Interview krut de Gary Numen 60 Joer. Dorop hätt hie sech net gefreet, seet hien. Awer et wier um Enn e schéinen Dag gewiescht, seng Fra wier do gewiescht a seng bescht Frënn, an de Publikum hätt him Happy Birthday gesongen.


Lauschtert dat ganzt Gespréich mam Gary Numan, den 9. Mäerz 2018 an der Kulturfabrik

Gary Numan

Méi zum Thema

Andrea Belfi
Dynamik an Zäitlosegkeet

Den italieneschen experimentelle Museker Andrea Belfi brauch net vill, fir seng mysteriéis an dynamesch Kompositiounen ëmzesetzen. Dobäi ginn déi elektro-akustesch Elementer ganz organesch verbonnen.

Jesca Hoop
Folk ouni Schoul

Si ass eng Musekerin, déi kee kal léist. D'Jesca Hoop erzielt fantastesch Geschichten iwwer déi traureg Welt, an där mir liewen. Hir Musek ass Folk, obwuel si guer net weess, wéi dat geet.

Kraftwerk 1981 zu Hamburg
Computerwelt

D'Band Kraftwerk war hirer Zäit viraus. Um Album "Computerwelt" hu si sech 1981 mat Sujete wéi Big Data, Iwwerwaachung an online-Dating beschäftegt. Si hunn d'Welt verännert a beaflossen d'Musek bis haut.

Robocobra Quartet
Aussergewéinlech Band

Bass, Batterie an zwee Saxophonen. Dat ass déi aussergewéinlech Konstellatioun vum Robocobra Quartet. D'Band vu Belfast huet en akademeschen Hannergrond. Trotzdem bleift hir Musek accessibel.

Programm

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen