Klassik-CD vun der Woch Louise Farrenc - Symphonies Nr. 2 an 3

D'Louise Farrenc war eng vun deene rare Komponistinnen am 19. Joerhonnert, déi sech duerchsetze konnt. Allerdéngs krut si de Stellewäert vun hire männleche Kolleegen net unerkannt.

Manuel Ribeiro / cbi

Louise Farrenc

CD: Louise Farrenc - Symphonies Nr. 2 an 3

Label: Naxos 8.573706

Wierker:

  • Sinfonie Nr. 2, en ré majeur, op.35
  • Sinfonie Nr. 3, en sol Mineur, op.36
Interpretatioun:
Klangqualitéit:

Interpreten:

Solistes Européens, Luxembourg

Direktioun:

Christoph König


Nul n'est prophète dans son pays

Ënner dësem bekannte Sproch huet de Publikum vun der Philharmonie schonn 2017 an engem Concert déi drëtt Sinfonie vum Louise Farrenc entdecke kënnen. Schonn 2016 stoung der Farrenc hir zweet Sinfonie um Programm mat den SEL, och mam Christoph König um Pult. "Kee Prophéit a sengem eegene Land", e Motto, dee wuel bei dës Pianistin a Komponistin passt, et war fir si als Kënschtlerin an hirem eegene Land Frankräich an och als Fra schwéier, unerkannt ze ginn.

Donieft war si och déi eenzeg Fra, déi als Professorin am Paräisser Conservatoire agestallt war. Eng Funktioun, déi si 30 Joer laang behalen huet, och wa si déi éischt zéng Joer manner verdéngt huet wéi hir männlech Kolleegen.

D'Louise Farrenc hat sech am Alter vu 17 Joer mam Flüttist Aristide Farrenc bestuet, e Mann, dee si ënnerstëtzt an hir Wierker publizéiert huet.

Sinfonië wéi eng Sammlung vun Inspiratiounen

All hir Sinfonië stamen aus de 1840er Joren, wou zu Paräis nach kaum ee sech ëm dës Museksgattung gekëmmert huet. Och wann d'Sinfonië bei den Opféierunge Succès haten, goufe se net publizéiert. Sinfonië vun der Farrenc hunn eppes vun Hummel, Mendelssohn a Schubert, sief et an den Harmonien oder am Asaz vun den Holzblosinstrumenter.

D'Sinfonië vun der Farrenc erschéngen awer och wéi eng Sammlung oder Inspiratioun vun deene wichtegste Komponisten am Ufank vun der Romantik. Elementer aus der Klassik oder eng gekonnte Schreifweis vun den Holzbléiser à la Beethoven sinn net ze iwwerhéieren. Dat thematescht Material an deenen diverse Sätz vun de Sinfonien ass elegant presentéiert. Lyrismus an de luese Sätz, Dynamik an de Scherzi a schlussendlech vill Stäerkt an dramatesch Intensitéit an de Finale beweisen de Klangräichtum, d'Energie an de Kreativitéitsgeescht vun der Louise Farrenc.

Fazit

De Christoph König léisst säin Orchester mat vill Schwong spillen, mee behält den Ensembel am Grëff. Keng Exzesser, sief et an den Nuancen oder am Tempo. D'Präzisioun vun den Asätz gëtt erhale grad wéi d'Balance vun den eenzele Register. De Christoph König schéngt der Farrenc hir Musek am Blutt ze hunn. Hie versteet et, déi ganz Eleganz an de Charme, deen an dëse Sinfonien stécht, anzefänken an ze vermëttelen.

Vun der Opnam hier erkléngt dësen Disk transparent a räich u Faarwe mat villen Déiften als Teppech fir d'Melodieinstrumenter. Den Orchester ass op der Opnam ganz present, awer net ze vill, esou dat een all Detail matkritt.

Dës Opnam vun de Farrenc-Sinfonien ass sécher déi bescht Referenz, fir der Kënschtlerin Louise Farrenc hir Musek kennenzeléieren.

Méi zum Thema

A Soprano's Schubertiade
Klassik-CD vun der Woch

D'Carolyn Sampson proposéiert Schubert-Lieder mat Fraen am Mëttelpunkt. Zesumme mam Pianist Joseph Middleton invitéiert si op dësem stëmmungsvollen Disk sech vun der Musek droen ze loossen.

Franz Schubert - Große Symphonie in C-Dur
Klassik-CD vun der Woch

Et muss ee schonn eppes unzebidden hunn, wann een dem Franz Schubert seng "Große C-Dur-Symphonie" nei ophëlt. Dem Enoch zu Guttenberg seng spannend Lecture geheit vill Lauschtergewunnechte komplett op d'Kopp.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen