Luxembourg Music Awards "Nach méi ambitiéis sinn - emol e puer Schong kafen ..."

Gëschter Owend an der Rockhal huet de Jury fir déi éischte Kéier an zéng verschidde Kategorië net nëmmen déi prägnantste Museker vum Joer geéiert, mee och nach ganz aner Leit, déi zum kënschtlereschen Endresultat bäidroen an deenen hir Beruffszweiger zu Lëtzebuerg Form unhuelen. De Marc Clement mat Impressiounen vun de Luxembourg Music Awards.

Marc Clement / cz

Edsun op den LMAs.JPG
Den Artist vum Joer heescht Edsun

Den Artist vum Joer heescht Edsun. Bei de Luxembourg Music Awards en Dënschdeg den Owend an der Rockhal krut dee jonke Pop- an R&B-Museker am ganzen dräi Auszeechnungen. "Et ass wichteg fir eis Kënschtler, et puscht eis virun", esou seng Reaktioun.

D'Luxembourg Music Awards wieren aus de Video Awards entstanen, déi bis d'lescht Joer fënnef Mol organiséiert goufen. D'Decisioun fir d'Initiativ ze erweideren, wier op d'Entwécklung vum kreative Secteur zeréckzeféieren, déi een ënnerstëtze wéilt, seet de Rockhal-Direkter Olivier Toth. "An deene leschte Jore sinn esou vill Beruffsbiller dobäikomm, datt et wichteg war, déi Aarbecht ze würdegen". Gemengt sinn déi Leit, déi ronderëm de Kënschtler schaffen, vum Video-Clip Realisateur, iwwer den Illustrateur oder Grafiker, bis hin zum Produzent.

Zéng Kategorien, Klassik an Jazz "nach e bëssen um Rand"

Am ganzen zéng Kategorië goufe geschaaft, fir engem iwwergräifende Motto gerecht ze ginn: Musek Made in Luxembourg ze belounen a méi visibel ze maachen. "D'Institutioune sinn net dat wichtegst, mee de Kënschtler, esou déi nei Kulturministesch Sam Tanson. "Och wann den Accompagnement, deen d'Rockhal a Music LX leeschten am Secteur, wéi en haut ass, immens wichteg ass". Si bedauert, datt Jazz an zäitgenëssesch Klassik fir dës éischt Editioun nach e bëssen um Rand stoungen.

Ënnerstëtzung amplaz Competioun

Competitioun sollt net am Virdergrond stoen - éischter den ënnerstëtzenden Effekt vun esou engem Präis. Do si sech Organisateuren an Nominéiert eens. All Award war deemno och dotéiert: a jee no Kategorie kruten déi kreativ Käpp tëschent 1.000 a 7.500 Euro mat op de Wee fir an hir nei Projeten ze investéieren. De Ministère de la Culture, d'Oeuvre Grande-Duchesse Charlotte, de Creative Hub 1535 Déifferdéng, de Filmfong, d'Sacem an den Atelier hunn dës Dotatiounen zur Verfügung gestallt.

Déi ganz Lëscht vun de Kategorien, Nominatiounen a Gewënner fannt Dir op www.musicawards.lu.

An der Mediathéik:

Kultur / / Marc Clement
Lauschteren

Méi zum Thema

Rockhal
Centre de Musiques Amplifiées

D'Rockhal stoung an der Kritik, Concerte mat ëffentleche Gelder ze finanzéieren. Dat stëmmt net, seet de President Luc Henzig. D'Dotatioun vum Staat géif just duergoe fir d'Personalkäschten ze decken.

Rockhal
Rockhal

Den Direkter vun der Rockhal weist Kritiken un der Programmatioun zeréck. "Déi Jonk, déi deemools d'Hal gefrot hunn, komme lo Megadeth kucken." Duerch Ballete kéint een edukativ Projete finanzéieren.

Laurent Loschetter - Olivier Toth
Atelier a Rockhal

D'Rockhal respektéiert net de géigesäitegen Accord tëschent Concerts-Organisateuren, kritiséiert den Atelier. Den Etablissement Public huet de Sting um Dag vum Atelier sengem Festival gebucht.

Programm

  • Panorama

  • On air

    Jazz Unlimited - Fënnef Dammen op der Bühn

  • Notturno

  • Notturno

  • Virum Dag

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen