175 Joer Militärmusek Militärmusek: Méi wéi en Defilésorchester

Dacks gesäit een d'Militärmusek nëmme bei ëffentleche Feierlechkeeten. Dobäi ass d'Haaptaktivitéit vum Ensembel déi vun engem grousse Concertsorchester, betount den Dirigent a Majouer Jean-Claude Braun. De Stellewäert vum Orchester gëtt senger Meenung no ënnerschat.

Jean-Claude Braun - Militärmusek
De Majouer an Dirigent Jean-Claude Braun

Vill Leit hätten eng falsch Impressioun vun der Lëtzebuerger Militärmusek, betount den Dirigent a Majouer Jean-Claude Braun. Fir si wier den Orchester nämlech en Defilésorchester, deen nëmmen op Nationalfeierdag géif marschéieren. Zwar wier d'Militärmusek 1842 gegrënnt gi fir offiziell Zeremonien z'encadréieren, haut wier dat awer anescht. "Elo, 175 Joer méi spéit, huet sech de Militärorchester zu engem wichtege kulturelle Matspiller, souwuel national wéi och international entwéckelt", esou den Dirigent.

De Jean-Claude Braun bedauert, vill Leit géifen net wëssen, datt de Militärorchester regelméisseg géif Concerte spillen. Ronn 50 Concerten d'Joer stéingen um Programm. Eréischt de 16. Juni hätten d'Museker zesumme mat der Rock-Band "Murphy's Law" am Kader vun engem gemeinsame Projet ee grousse Concert um Knuedler gespillt.

Eppes fir Jiddereen

"Ech kenne keen Orchester, dee méi en ofwiesslungsräiche Programm a méi verschidden Ensembelen huet, wéi mir", seet de Jean-Claude Braun. Den Orchester hätt zum Beispill eng Big-Band an eng Dixie-Band.

Dem Jean-Claude Braun no gëtt vill Wäert op e "Crossover-Programm" geluecht. Et wier wichteg, datt fir jiddereen eppes derbäi wier: Vun enger flotter Ouverture iwwer ee gréissert Wierk fir den Orchester, bis hin zu Filmmusek, Musicalmusek oder Elementer aus dem Rock-, Pop- an Jazz-Beräich. "Mee e flotte Marsch dierf bei enger Militärmusek natierlech och net feelen."

Am Ausland beléift

Grad am Ausland ass d'Militärmusek als Concertsorchester bekannt a gär gesinn, seet de Jean-Claude Braun. "Den Éiergäiz, d'Preparatioun an d'Matschaffe beim Ëmsetze vu gemeinsame Projete mat Gaaschtdirgenten, externe Solisten a Komponisten gëtt extrem gelueft." 2016 ass den Orchester zum Beispill vum weltbekannten hollännesche Komponist Johan de Meij ausgewielt gi fir seng nei Kompositiounen op CD opzehuelen. Zënterhier wier d'Nofro fir un internationale Blosmuseks-Festivalen deelzehuelen grouss.

Trotzdeem wënscht sech de Jean-Claude Braun, datt d'Renommée vun der Lëtzebuerger Militärmusek national an international weider ausgebaut gëtt. Dat wier wichteg, well "keen aneren Orchester ass e bessere kulturellen Ambassadeur, wéi eis exklusiv aus Lëtzebuerger Museker zesummegesate Militärmusek."


De Manuel Ribeiro huet hannert d'Kulisse vun der Lëtzebuerger Militärmusek geluusst an interessant a spannend Gespréicher matbruecht:

De Colonel Alain Duschène verréit, wat de Militärorchester d'Joer iwwer mécht. Eppes kann ee schonn emol verroden: Den Orchester ass net nëmme fir Paraden zoustänneg.

Net nëmme fir Paraden zoustänneg

Colonel Alain Duschène. Foto:  PIerre Matgé / LW-Achiv

Wéi funktionéiert den Orchester? Äntwerten op déi Fro ginn et an dëser Emissioun.

Méi zum Thema

TheVegetableOrchestra2_creditZoefotografie.jpg
Skuriles

Geméis huet vill gutt Eegenschaften. Et ass gesond, et schmaacht gutt an et kléngt gutt. Dee leschte Punkt intrigéiert Iech? Da loosst Iech vum Geméisorchester an der Philharmonie iwwerzeegen.

SEL
Solistes Européens, Luxembourg

D'Solistes Européens, Luxembourg gi mat engem neie President an déi nei Saison. De Jérôme Wigny iwwerhëlt dës Charge vum Eugène Prim, deen zanter der Grënnung 1989 un der Spëtzt vum Orchester stoung.

Programm

Net verpassen

  • Offre d'emploi: Un(e) rédacteur(rice) web

    Webjournalist

    L'Etablissement Public de Radiodiffusion Socioculturelle recrute, pour entrée immédiate ou à convenir, Un(e) rédacteur(rice) web sous contrat à durée déterminée pour une durée de 12 mois et à temps plein.

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen