Raftside - Empty Star "Musek ass d'Häerz vun der Konscht"

Raftside ass de musikalesche Projet vum Kënschtler Filip Markiewicz. Deen neien Album "Empty Star" inspiréiert sech un ale Lo-Fi-Produktioune vum Kënschtler. Allerdéngs dominéiere Synthesizeren.

Jamie Reinert / cz

Filip Markiewicz
Filip Markiewicz

D'Texter op "Empty Star" wieren deelweis schonn e puer Joer al an ëmmer nees iwwerschafft ginn, seet de Filip Markiewicz. Den Album wier als Reaktioun op déi weltwäit politesch a sozial Aktualitéit ze verstoen. Trotz Vibrato-Gittare verursaachen d'Texter ee méi battere Goût am Mond. Ursprénglech wier geplangt gewiescht, fir e kompletten Album an enger American-Dream-Road-Trip-Athomsphär ze produzéieren.

D'Titele "San Francisco Sun" an "Half Moon Bay" sinn no enger Vakanz a Kalifornien entstanen. Dës Titele géifen d'Geschicht vu Kalifornien a vun der Stad Sonoma opgräifen, seet de Filip Markiewicz. Awer och d'Ëmwelt géif thematiséiert ginn, zum Beispill déi extrem Dréchent an d'Hëtzt. "Dat sinn da sou kleng Luuchten, déi uginn, déi vläicht heiansdo e politescht Thema uschwätzen, heiansdo Kino. E bëssen och, wéi mir eis Kalifornien virstellen."

Graff kann een d'Musek um Album "Empty Star" dem Popgenre zouschreiwen. D'Bandbreet vun den Tracks zitt sech vum 60er-Protestsongstil, duerch d'80ies-Synthpopwelt bis an den aktuelle Pop. Verschidde Lidder si mat Fieldrecordings vu Miergeräischer ënnerluecht. Fir dëse bësse méi melancholeschen Touch ze konteren, komme Steeldrums zum Asaz. Den Album gouf iwwregens och am Summer produzéiert. Dem Philippe Markiewicz gefält dat Duebeldeitegt, an hie weess och domat ëmzegoen. An der Konscht kéint a misst ee Saache méi diffus ausdrécken.

Fir de Filip Markewicz, deen och am Beräich vun der visueller Konscht aktiv ass, ass d'Musek net mannerwäerteg am Géigesaz zu anere Konschtformen. Hie beschreift d'Musek als "Häerz vun der Konscht". E Film wier eigentlech och just e visuellt Lidd, eng Ausstellung kéint ee sech als Partitioun virstellen. "Fir mech ass iwwerall Musek dran", sou de Filip Markiewicz.


Interview mam Filip Markiewicz:

Lauschteren

Méi zum Thema

Future Islands
Synth Pop

Dem Sam Herring seng Danz-Verrenkungen an der Show vum David Letterman si legendär. Awer Future Islands hu vill méi ze bidden. E Gespréich iwwer d'Rezept vun där eenzegaarteger Synth Pop Formatioun.

Charlotte Gainsbourg
Album vun der Woch

Op hirer véierter Soloplack séngt d'Charlotte Gainsbourg fir d'éischte Kéier hir eegen Texter. "Rest" mécht Chanson, Pop an Elektro zu engem Auteurefilm. An dat mat enger Finesse, déi verféiert.

John-Maus.jpg
Elektro-Pop

Den John Maus zelebréiert mat vill Zynismus de Weltënnergank. Dem Amerikaner säi véierte Longplayer ass vill méi wéi en Zitat-Album mat VHS-Nostalgie. "Screen Memories" geet ënner d'Haut a beréiert.

Cristobal and the Sea
Album vun der Woch

"Exitoca" heescht den neien Album vu "Cristobal and the Sea". Eng Formatioun, déi deels zu Lëtzebuerg entstanen ass a mëttlerweil beim renomméierte Label "City Slang" ënner Vertrag ass.

Programm

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen