Food for your senses Näischt ass fir ëmmer

D'nächst Joer wäert erëm e Food For Your Senses Festival sinn. Et wäert awer déi lescht Editioun sinn, seet de Luka Heindrichs. Et hofft een, datt eng jonk Relève schonn an de Startlächer steet.

Marc Clement / cbi / cz

Food for your senses
Foto: Noah Fohl.

Déi gutt Noriicht fir d'Concertsgänger zu Lëtzebuerg ass, datt de beléiften Food For Your Senses Museksfestival och d'nächst Joer wäert um Programm stoen. De Site um Kierchbierg ronderëm d'RTL City steet eng zweete Kéier zur Verfügung, wat no enger Partie Jore vun Onsécherheet iwwer de Lieu vill Museksfrënn wäert freeën.

E bëssen anescht agencéiert gëtt de Site fir d'2019er Editioun, mat engem Schwéierpunkt op déi Beräicher, déi d'lescht Joer besonnesch vill Uklang bei de Visiteure fonnt haten. Bis zu 5.000 Leit waren d'lescht Fréijoer zu de Spëtzenzäiten op dësem Site versammelt, mee d'nächst Joer soll e bësse méi kleng gefuer ginn. Op 2.500 Entréeën ass de Festival limitéiert, dat aus organisatoresche Grënn, wéi de Luka Heindrichs, Matbegrënner vum Festival an eiser Emissioun Spektrum dëse Méindeg erkläert huet.

De leschte FFYS: Ënnerschiddlech Grënn

Och eng zweet, méi schmäerzlech Nouvelle hat hie mat am Gepäck: dëst wäert dee leschten Food for Your Senses sinn. Op Nofro hi sot de Luka Heindrichs, datt en Amateurfestival an dëser Gréisst mat wäit iwwer 40 Benevollen, déi ee Publikum vun Dausende geréieren - ganz schwéier ze droen ass. Och ass dëst dat lescht Joer, wou ee sech op de Site um Kierchbierg kéint verloossen.

D'Decisioun de Festival ze begruewen, begrënnen d'Organisateuren och mat enger am Fong positiver Dynamik: der Professionaliséierung vum Musek- a Concertsbusiness zu Lëtzebuerg. Vill vun deene Festivalsbegrënner, déi fir déi éischt Editioun 2007 d'ASBL Food For Your Senses an d'Liewe geruff haten, hu mëttlerweil nach aner Kapen op, an hunn am professionelle Secteur ronderëm d'Concertsoffer zu Lëtzebuerg hir Roll ze spillen.

Ee radikalen Amateurfestival

Et ass awer net ouni Tréin am Knapplach, mat där d'Equipe dëse Festival "goe léisst". "Et ass wichteg, een Amateurfestival zu Lëtzebuerg ze hunn, dee radikal ass, an dee vu Jonke selwer organiséiert ass. Een, bei deem een net vu Reklamme bombardéiert gëtt, bei deem een zouenee fënnt, ewech vun deene méi kommerzielle Rendez-vousen" esou de Luka Heindrichs. Hien hofft, datt bei deene Jonken d'Relève scho waart fir nozeréckelen an hir eege Visiounen op d'Been ze stellen.

De leschte Food for Your Senses soll dofir och nach eemol alleguerten d'Fändele vun der Do-It-Yourself-Kultur op de Mast hiewen. Wéi scho bei deenen Editioune virdru wäerte Workshoppen, Konschtinterventiounen, Aktivitéite fir d'Kanner, thematesch Aktiounen a gemittlecht Beienee sinn zwee Deeg laang fir fréisummerlech Magie suergen.

Iwwer de Line-Up vum Festival ass am Moment nach näischt bekannt, mee den Ticketsverkaf ass op an dierft ënner dësen Ëmstänn och net schleefen. De leschte Food for Your Senses ass de 25. a 26. Mee um Kierchbierg - d'Informatioune fannt Dir an deenen nächste Wochen op www.ffys.eu, an natierlech bei eis op der Antenn.

Méi zum Thema

Food For Your Senses
Musek a Konscht

D'Organisateuren hunn nees Problemer mam Terrain. Obwuel mam Fonds Kirchberg eng Konventioun bis 2020 ënnerschriwwe gouf. D'Baueren, déi dës Terraine kultivéieren, wëllen dëst Joer keng Wiss uplanzen.

thumb_53345_default_big[1].jpg Exklusiv
Festival

De Museks-Festival “Food for your senses” soll am Summer 2017 op engem Kierchbierger Site nieft den RTL-Gebaier organiséiert ginn. Do wou d’Rolling Stones am Kulturjoer 1995 opgetruede waren.

Programm

  • Resonanzen

  • On air

    Spektrum

  • Noriichten

  • Ënnerwee

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen