Sonic Visions Pedro Winter: D'Technologie bändege fir d'Musek

Als Virbild fir e jonke Museksbegeeschterten ass de Pedro Winter kaum ze iwwertreffen: Besëtzer a Manager vun Ed Banger Records; Architekt vum Succès vun Daft Punk an den 1990er an Justice an den 2000er.

Marc Clement / cbi

Pedro Winter
De Pedro Winter ass den Architekt hanner Daft Punk an Justice

Et géif ee sech esou ee Mann als schlauen Entrepreneur mat engem sechste Sënn erwaarden. Amplaz fënnt een e passionéierten ex-Skater, deen zum richtege Moment Loscht op Aventure hat.

"Den Entreprenariat-Gen hunn ech guer net matkritt", esou de Busy P. a senger Keynote um Sonic Visions Festival e Freideg an der Rockhal, wou hien engem gemëschte Public vu jonke Museker a Professionelle säi Werdegang mat vill Humor beschriwwen huet. "Ech hu mäi Liewe ganz engem Projet geschenkt."

Datt hien a senger Karriär net eleng war, vergësst hien net ze ernimmen. De Papp vum Thomas Bangalter, engem vun deenen zwee Daft Punk, war e gewëssenen Daniel Vanguarde, ee bedeitenden Disco Produzent vun de 70er, an huet dem Winter vill iwwer d'Plackenindustrie bäibruecht. Och de franséische Bureau Export des Musiques Amplifiées stoung him deemools schonn zur Säit a war staark un der Vermaartung vun der French Touch bedeelegt.

Et wier wichteg, Hoffnung ze stëften, well d'Museksgeschäft op den éischte Bléck iwwerwältegend kéint ausgesinn, esou de Winter.

Am Gespréich mam Marc Clement deelt hie seng perséinlech Tricken, fir de schwierege Wand an der Museksindustrie an dat richtegt Seegel ze kréien.

Dat ganz Gespréich lauschteren

Méi zum Thema

Sonic Visions
Sonic Visions 2019

An engem Esprit d'Echange ass de Sonic Visions Festival dem musikalesche Nowuess gewidmet. Et ass eng Kombinatioun aus Showcase a Konferenzen. Zil ass et ze informéieren an Tuyauen auszetauschen.

BloodRedShoes
DJ Set vu Blood Red Shoes

Si hunn op der Afterparty nom Pixies-Concert am 100,7-Studio fir Stëmmung gesuergt. Lauschtert den DJ Set vu Blood Red Shoes mat Klassiker tëschent The Jesus and Mary Chain an Dire Straits.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen