Klassik-CD vun der Woch Referenzopnamen

An deene leschten zéng Joer huet sech den Dirigent Gerd Schaller zu engem vun deene profiléiertste Bruckner-Interpreten ervirgedoen. Mat der Opnam vun där 9. Symphonie (Profil Hänssler) inklusiv deem vun him selwer auskomponéierte Finalsaz, huet de Museker vu Bamberg eng éischt Etapp vun engem laange Projet hanner sech.

Guy Engels

Bruckner
Interpretatioun:
Klanqualitéit:

Interpreten:
Philharmonie Festiva
Gerd Schaller, Direktioun

Wierk:
Anton Bruckner (1824-1893): Symphonie Nr. 9


Objektiv 2024

2024 gëtt den 200. Gebuertsdag vum Anton Bruckner gefeiert. Bis dohi wëllt de Gerd Schaller sämtlech Wierker vum Komponist op Disk ophuelen. Mat den néng Symphonien huet hien elo den éischte Schratt gemaach.

Eleng dës Entreprise war net einfach. Mat Ausnahm vun där 6. an där 7. Symphonie gëtt et keng Partitur, un där de Bruckner ëmmer nees geschafft, nei Versioune geschriwwen huet. Um Enn stinn dann Dirigente virum Dilemma, wéi eng Fassung si solle wielen. De Gerd Schaller huet sech fir déi entscheet, déi kaum an de Concertssäll ze héiere sinn.

Finale fäerdeg geschriwwen

Vum Anton Bruckner senger 9. Symphonie gëtt et nëmmen eng Fassung, allerdéngs ouni Finale. De leschte Saz krut de Bruckner net méi fäerdeg. Et existéiere just Skizzen a Fragmenter. De Gerd Schaller huet sech op d'Sich no alle méiglechen Originaldokumenter gemaach, an de Finale am Geescht vum Bruckner auskomponéiert. Den Dirigent imposéiert sech hei net selwer als Komponist. E respektéiert dem Bruckner seng Klangsprooch, déi e bannen- a baussewänneg kennt.

Kammermusikalesch geduecht

Et ass awer net nëmmen de Reiz vun dem bis dato onbekannte Finale, deen dës Produktioun esou besonnesch mécht. Et ass vrun allem dem Gerd Schaller seng kammermusikalesch Lecture vum Bruckner senger deels monumentaler Klangsprooch. Den Dirigent fokusséiert sech eben net just op déi gewalteg Architektur vun der Symphonie. Hie kuckt se quasi aus der Fräschperspektiv, vum klengsten Detail un a baut da kohärent, grouss Spannungsbéi op. Esou kritt dem Bruckner seng Musek och de gewësse sakrale Charakter, den inherent ëmmer do ass.

Méi zum Thema

Eng Improvisatioun mam Maurice Clement
Wäiss a Schwaarz

Fanger déi iwwer d'Taste fléien, e Piano dee wackelt an e Pianist, dee voll a sengem Element ass: De Maurice Clement improviséiert um 100,7-Piano a gëtt en déiwen Abléck a säi Fach.

Rossini-CD vun der Woch
Klassik-CD vun der Woch

Mat véier Solisten, engem Chouer an engem Organist proposéieren de Gustavo Gimeno an den OPL eng ausbalancéiert Interpretatioun vum Gioacchino Rossini senger Petite Messe Solennelle.

Programm

  • Virum Dag

  • On air

    Moies-Magazin

    • Aktuelles - Coup de gueule Romain Schumacher

  • Iwwer Mëtteg

  • Resonanzen

  • Spektrum

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen