Tears for Fears Shout, let it all out

De Brit Curt Smith ass zanter 1982 déi zweet Halschent vun Tears for Fears. Eng Aventure vu Frëndschaft, Erfolleg a Sech-Auserneeliewen, déi den Englänner oppen erzielt. Tears for Fears spillen de 25. Juni 2019 um Parvis vun der Abtei Neimënster, eng Première fir Lëtzebuerg, a bréngen nach dëst Joer eng nei Plack eraus.

Marc Clement / cbi

Tears for fears
Foto: picture alliance / NurPhoto / Roberto Finizio

Dës nei Plack ze schreiwen hätt Zäit gebraucht, esou de Curt Smith. Méi wichteg wéi seng Connectiounen an der Museksindustrie sinn dem Smith seng Kanner: déi huet hien trotz enger Tournée duerch d'Staaten am Ufank vun dësem Joer nach ni méi laang wéi véier Méit net gesinn. D'Relatioun mat sengem Coequipier Roland Orzabal ass haut éischter eng Aarbechtsrelatioun: "Mir hunn eis zu zimlech verschiddene Mënsche weiderentwéckelt", esou de Museker.

En determinéierend Thema an Hits wéi Mad World, Shout oder Everybody Wants to Rule the World war dem Duo hiren Interessi fir d'Psychologie: deemools haaptsächlech dem Jabov seng Primal Therapy. "Där hir Theorië sinn haut zu groussem Deel widderluecht", seet de Curt Smith. "Mad World war iwwer d'Schaffe goen an d'Dréinen am Hamsterrad méi wéi alles anescht."

Och haut appreciéiert hien haaptsächlech déi psychologesch Dimensioun vun der Musek - als Ausdrocksform, als Selbsstherapie an als Mëttel fir d'Leit zesummenzebréngen. "Wann haut jonk Leit bei eis kommen an es soen, eis éischt Plack "The Hurting" hätt hinnen duerch ganz schwéier Zäite gehollef, da beweegt mech dat."

The Seeds of Love, déi drëtt Tears for Fears Plack, feiert dëst Joer hiren 30. Anniversaire. Den epeschen Titeltrack war vum Sound hir vun de Beatles inspiréiert a funktionéiert e bësse wéi eng Weltverbesserungsmaschinn. "D'Musek kann nëmme reflektéieren, mee si reflektéiert dat, wat vill Leit zur selwechter Zäit fillen. An dat mécht d'Welt schonn iergendwéi besser."

Tears for Fears spillen de 25. Juni 2019 um Parvis vun der Abtei Neimënster. Méi Informatiounen op www.atelier.lu


De Marc Clement huet sech mam Curt Smith ënnerhalen:

Lauschteren

Méi zum Thema

Crosby, Stills and Nash, 2013
Crosby, Stills & Nash

E Release, deen den Numm vum Trio dréit, deen en opgeholl huet: "Crosby, Stills & Nash" ass eisen Déjà vu-Album vun der Woch a feiert dëse Mount säi 50. Gebuertsdag. De Fred Medernach kuckt zeréck.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen