Lëtzebuerg Entdecken D'Kasematten

An eiser Serie "Lëtzebuerg entdecken" stelle mir Iech an den nächste Méint ëmmer nees flott Plazen an och flott Aktivitéiten hei zu Lëtzebuerg vir, déi Dir elo am Summer an natierlech och dono besichen, respektiv ënnerhuele kënnt.

Pit Walté / cbi

Kasematten
D'Kasematten

Wéinst senge grousse Festungsanlagen, déi virun allem am 17. an 18. Joerhonnert staark erweidert goufen, krut Lëtzebuerg iergendwann de Bäinumm Gibraltar vum Norden. E groussen Undeel dorunner hunn och d'Kasematten. Uechter d'Stad goufen am ganzen 23 Kilometer vun dëse Stollen an Tunnelle gegruewen, 17 dovunner si bis haut nach erhalen. Een Deel dovunner kann ee sech och ukucke goen.

1644 gouf mam Bau vun de Péitruss-Kasematten ugefaangen, deemools ënner de Spuenier. 1744 hunn éisträichesch Ingenieuren dann d'Bock-Kasematten an de Sandstee gegruewen. An dat aus militäresche Grënn, nämlech fir d'Stad Lëtzebuerg ze verteidegen.

1867 gouf d'Lëtzebuerger Festung geschläift, d'Kasematte waren dovunner awer zum Gléck net betraff. Dofir kann ee sech déi Tunnellen, déi an de Bockfiels gegruewe goufen, haut nach ukucken.

D'Vu aus de Kasematten

Et lount sech op alle Fall d'Kasematten ukucken ze goen, déi och zum Weltkulturierwe vun der Unesco zielen. An dat net nëmme wéinst den opwändegen Tunnellen, déi gegruewe goufen, mee och wéinst der schéiner Vue, zum Beispill op de Gronn, déi een dann an de fréiere Schéissschächt bewonnere kann.

Ee grousse Virdeel hunn d'Kasematten och am Summer: Et ass bei héijen Temperaturen dobaussen schéi frësch.

An der Mediathéik:

Lëtzebuerg entdecken / / Pit Walté
Lauschteren

Méi zum Thema

Camping Krounebierg
Lëtzebuerg entdecken

De Camping Krounebierg läit zu Miersch, direkt bei Nationalmonument vun der Onofhängegkeet. Et gouf vill investéiert, fir de fënnef Stäre gerecht ze ginn. De Claude Faber war sech de Camping ukucken.

Mëllerdall
Lëtzebuerg entdecken

Den Nordoste vum Land bitt vill Wander- a Vëlosweeër. De Mëllerdall ass och bekannt als Petite Suisse Luxembourgeoise an op iwwer 112 Kilometer bitt de Mëllerdall-Trail Wanderweeër fir Grouss a Kleng.

Camping Kockelscheuer
Lëtzebuerg entdecken

D'Kockelscheier ass haaptsächlech duerch d'Äispist, Keelebunnen, Tennis- a Squash-Anlage bekannt. De Camping, deen tëschent all dësen Anlagen läit, ass hei am Land manner bekannt, mee gëtt vu villen auslännesche Camper héich appreciéiert.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen