De wuel bekannte Perkussionist Stéphane Edouard hat 2021 mat ‘Pondicergy Airlines ‘ säin Debut-Album als Leader verëffentlecht. Sorop héiere mer dem Artist säin Parcours als Museker, vuPondicergy an Inden bis hin zu senger Kandheet di en zu Cergy verbruet huet.
Den aussergewéinlechen indesche Gittarist Trilok Gurtu dee bekannt ass fir seng Fusioun vun den indeschen Traditiounen mam Jazz an der World Musek ass haut derbäi an och aus Indien de Debashish Bhattacharya, e klassesche Museker, Sänger a Komponist vun deem gesot gëtt hie wier deen éischten deen d’Slide-Gittar Syllabus agefouert hätt.
Aus dem Mali kennt di jonk Band Songhoy Blues. Des jonk Leit hunn hiert Heem am Norde vum Mali misse verloossen wéi radikal Islamisten d’Regioun onsécher gemaach hunn. An der Sécherheet vu Bamako hu se decidéiert eng Band ze grënnen an hir Musek ass dem Amadou & Mariam hirem Manager zu Ouere koum. Vun do un huet hiert d’Liewen sech verännert…zum Gudden!
E neie Stär um Museks-Himmel ass di Londoner Sängerin Muva Of Earth. Si hat dëse Summer en Optrëtt zu Sète am schéinen Théâtre de la Mer. Op dëser aussergewéinlech schéiner Bün vum Worldwide Festival ass di jonk Artistin fir d’éischt live a Frankräich opgetrueden. Tëscht de Säiten vun hirer Harf an dem Mikro a begleet vun engem Cello an engem Batteur huet d’ Muva Of Earth mam richtege Numm Davina Adeosun-Bright hir éischt Kompositiounen virgestallt, e schéinen, spirituellen Disk deen z’entdecken ass!
Di spuenesch Sängerin Rosalía huet e neien Titel zesummen mam Björk opgeholl wou di zwou Artistinnen géint de Ravage vun den Aquakulturen an Island sangen. ‘Help figh Fish Farming in Iceland’ heescht d’Lidd wat den Ament just op Youtube ze lauschteren ass. De Benefice vun dësem Lidd soll den Aktivisten zougutts kommen.
Vun Jamaika kommen de Max Romeo a seng Upsetters. 1976 koum den Album ‘War Ina Babylon’ eraus. d’Texter sinn nach ëmmer vun Aktualitéit, dat “Schlecht”, de Luzifer schécke mer an de Weltall fir dass en sech eng aner Rasse siche geet….
Zum Schluss vun One World haut héiere mer di faméis kalifornesch Reggae Band Groundation mat hirem ‘Nyabinghi Order’ vum Album Each One Teach One. De Numm Nyahbinghi soll anscheinend heeschen ‘Death To All Oppressors’. E bëssi radikal a genee d’ Radikalitéit ass ee grousse Problem vun haut ….
Playlist:
1. Karate Boogaloo & Danielle Ponder - Little Bit - Look Around / Little Bit
2. Stéphane Edouard - One Last Time - Pondicergy Airlines
3. Debashish Bhattacharya - Anandi on the Loose - Hawaii to Calcutta: A Tribute to Tau Moe
4. Trilok Gurtu - Kabir - Broken Rhythms
5. Songhoy Blues - Soubour - Music in Exile (Deluxe)
6. Tinariwen - Toumast Tincha - Emmaar
7. muva of Earth - no one else has your magik! - muva of Earth align with Nature's Intelligence
8. ROSALÍA - MALAMENTE (Cap.1: Augurio) - EL MAL QUERER
9. La Yegros - Viene de Mi - Viene de Mi
10. Calypso Rose - Calypso Blues - So Calypso !
11. Max Romeo & The Upsetters - Chase The Devil - War Ina Babylon (Expanded Edition)