Den Eric Bibb ass gutt ëmginn op sengem neien Album “Ridin”. Derbäi sinn den Taj Mahal, Jontavious Willis, Russel Malone an dee wuelbekannte Griot aus dem Mali Habib Koité.
Den David Crosby war e Grënner-Member vun zwou immens populäre Bands aus de 60er: The Byrds a Crosby, Stills & Nash, spéider mam Neil Young mat derbäi. “For Free” ass säin aachten a leschte Solo-Album, deen 2021 erauskoum.
Den Auto ass jo eng excellent Plaz fir matzesangen, keen héiert een, an et kann ee roueg total dernieft leien! Mir lauschteren dem Christophe säin “Les Mots Bleus”, net d’Original, mee d’Reprise vum Alain Bashung. Dësem seng Aart a Weis ze sangen ass eenzegaarteg, hie wiesselt d’Intonatioun souguer am selwechte Wuert. Mir probéieren dat mol hinzekréien a sange mat …
“Keng Schoul, kee Prof kann ee léieren, esou ze sange wéi d’Marion Rampal dat mécht“, dat sot e Journalist vum Inrockuptible iwwer d’Sängerin vu Marseille. Der Marion Rampal hir Kombinatioun vu Stiler ass effektiv ganz eegen! Den Album “Tissé”, deen d’lescht Joer erauskoum, ass eng richteg kleng Pärel!
“Outside Problems” ass den Nofollger vum Andrew Bird sengem “Inside Problems”, en Disk, deen d’lescht Joer erauskoum. Dësen neien Album vum Singer-Songwriter a Geiist vu Chicago léisst op en Neits säin Talent erkléngen.
“Giant Sand return with more Howe Gelb orchestrated desert madness …”, dat hat Pitchfork 2008 iwwer de Grupp vun Tucson Arizona geschriwwe bei der Rezensioun vum Album “Provisions”. En Disk, deen a kenger gudder Kollektioun feelen däerf, mat der Participatioun vu P.J Harvey, M. Ward, Neko Case an Isobel Campbell, déi alleguer hire Pefferkär bäigeluecht hunn.
Playlist:
1. Eric Bibb - Free (feat. Habib Koité) - Ridin’
2. David Crosby - Rodriguez For A Night - For Free
3. Chłopcy Kontra Basia - The Supper - Brexit Blues
4. Adam Ben Ezra - Can't Stop Running - Can’t Stop Running – Single
5. Alain Bashung - Les Mots Bleus - Osez Bashung
6. Marion Rampal - D'autres soleils (feat. Anne Paceo) - Tissé
7. Marion Rampal - Où sont passées les roses (feat. Piers Faccini) - Tissé
8. Benjamin Clementine - I Won’t Complain - At Least for Now (Deluxe)
9. Chapelier Fou - Les métamorphoses du vide (Ensemb7e Version) - Ensemb7e
10. Andrew Bird - Mancey - Outside Problems
11. TaxiWars - Different or Not - Artificial Horizon
12. Tindersticks - Show Me Everything - The Something Rain
13. Giant Sand - Pitch & Sway - Provisions
14. L'Attirail - Le pacte de Xochimilco - Wanted Men