An enger éischter Phas ware virun allem d‘Unien zu New York vun de pro-palästinensesche Protester betraff. Dorënner Columbia, d’New York University an d’Yale University. Do waren am Ufank vun der Woch iwwer 100 Demonstrante festgeholl ginn, well se refuséiert haten, déi net-autoriséiert Protester ze stoppen.
Gëschter um Donneschdegowend huet d’Police zu Los Angeles iwwer 90 Persoune festgeholl, wéi den Noriichtesender CNN matdeelt. D‘Demonstranten hätten um Campus vun der University of Southern California ënner anerem Zelter opgeschloen.
D’UCLA huet elo och ee gréissert Evenement am Kader vun der traditioneller Ofschlossfeier ofgesot. Bei deem Event si 65.000 Leit erwaart gi sinn.
De Virworf vun Antisemitismus
Och am Bundesstaat Texas si gëschter Ronn 30 Demonstrante festgeholl ginn. Wéi d’Washington Post schreift hätten Honnerte Studenten hire Cours verlooss a gefuerdert, datt d’Uni sech soll vun Entreprisen trennen, déi mat Israel Geschäfter maachen.
Den Demonstrante gëtt zum Deel Antisemitismus reprochéiert an eng Verharmlosung vun der islamistescher Hamas.