84,6 Prozent vun den SPD-Memberen hunn dofir gestëmmt.
Dat huet d’Noriichtenagence DPA gemellt, nodeem d’Resultater vum Vott am Parteicomité matgedeelt gi waren.
Domat steet enger Ënnerschrëft vum Koalitiounsvertrag an Däitschland näischt méi am Wee.
De Vott vum Friedrich Merz (CDU) als neie Kanzler ass fir een Dënschdeg, de 6. Mee geplangt.
Walbedeelegung louch bei 56 Prozent
358.000 SPD-Membere konnte 15 Deeg laang iwwert de Koalitiounsvertrag ofstëmmen. 56 Prozent vun de Memberen hu sech bedeelegt.
Den SPD-Chef Lars Klingbeil soll neien däitsche Vizekanzler a Finanzminister ginn, huet d’DPA gemellt.
