Elon Musk wëllt erëm méi Tesla-Chef sinn

Manner Regierungsaarbecht

23 Abr. 2025 - 06h59

Elon Musk wëllt erëm méi Tesla-Chef sinn

Den Tech-Milliardär Elon Musk wéilt seng Aarbecht an der US-Regierung däitlech reduzéieren a sech nees méi op d'Leedung vun Tesla konzentréieren. Dat huet hien no der Presentatioun vun den neiste Quartalszuele vun Tesla annoncéiert.

1 min

(Foto: picture alliance / Consolidated News Photos | Shawn Thew - Pool via CNP)

Hien wéilt awer weiderhin 2 Deeg an der Woch mat Regierungsaarbechte verbréngen, jiddefalls esou laang wéi den Donald Trump dat wéilt.

Kuerz virun dëser Annonce huet Tesla däitlech Verloschter gemellt. Am Joresvergläich sinn d'Erléis Analysten no ëm 9 Prozent op ronn 19,3 Milliarden Dollar gefall. Ënner dem Stréch ass de Gewënn vun Tesla ëm 71 Prozent op 409 Milliounen Dollar gefall.