De Kardinol Jean-Claude Hollerich, géif op jiddefalls weider de Leit, déi heeschen, eppes ginn a gëtt ze verstoen, datt d’Autoritéite senger Meenung no ze wäit gaange wieren.
"Dat Betteln, d'Heescherei kann heiansdo iwwergreffech sinn, an dat ass net gutt well da sinn d'Leit am grousse Ganzen dogéint. Mee et soll een och net iwwerreagéieren an och deene Leit wéidinn deenen et immens schlecht geet."
Keng Fuerderungen un nei Regierung
Zu de Relatioune mat der neier Regierung huet de Kardinol gesot et géif ee keng Fuerderunge stellen a keng Sue fuerderen, déi der Kierch net géifen zoustoen.
De méi enke Lien mat der CSV géif iwwerdeems net méi bestoen. Hie géif dat och net bedaueren, sou nach de Jean-Claude Hollerich.
Hie betount iwwerdeems och, datt hien net wéilt a kéint Poopst ginn.