100,7 LIVE
Fête de la musique am Trifolion vun 11 bis 12
0 min
Zesumme mam Kulturhaus an der Abteistad an der Iechternacher Museksschoul hu mir e faarwege musikalesche Programm zesummegestallt, dee vun Jazz iwwer Musek fir Perkussiounsensembel bis Vokalmusek geet.
Vun 11:00 bis 14:00 proposéiere jonk Talenter, Enseignanten aus der Museksschoul an de Vokalensemble Ambitus Musek aus allen Epochen a Stilrichtungen.
Kuerz no 12 Auer geet op enger Table ronde rieds iwwer den Enseignement musical. Wéi war de Museksunterrecht gefuerdert a wéi koum en duerch d'Pandémie? Wat bréngt deen neie Bachelor Enseignement musical, dee vum Hierscht un op der Universitéit Lëtzebuerg offréiert gëtt? Wéi gesäit de Bilan vum Gesetz iwwer den Enseignement musical vun 1992 aus, a wéi steet et mat der Reform, déi nach virun der grousser Vakanz sollt gestëmmt sinn?
Invitéë sinn: d'Nadine Eder, Directrice vun der Iechternacher Museksschoul; d'Micky Thein, Directrice adjointe vun der UGDA-Museksschoul; den Adrien Théato, Direkter vum Conservatoire du Nord an den Eric Falchero, Enseignant am Bachelor vun den Erzéiungswëssenschaften op der Universitéit Lëtzebuerg.