Déi franséisch-algeeresch Sängerin Souad Massi kënnegt hiren zéngten Album "Sequana" un, en Disk mat méi Influenzen, zousätzlech zum Chaâbi an de folkege Kläng, si bei Sequana och Aflëss aus der Karibik, Brasilien an dem Sahel ze héieren.
Ÿuma ass e jonken Duo aus Tunesien, deen e Folk erklénge léist, wéi mir en nach net héieren hunn. D'Sabrine an de Ramy hunn hir ganz eegen Aart a Weis déi verschidde Kläng mateneen ze mëschen: arabesch Gesangslinnen, déi si méi-stëmmeg iwwer reduzéiert Gittar-Mustere leeën, et herrscht eng orientalesch-mystesch Stëmmung a gläichzäiteg erklénge Soul-, Blues- a Folk-Influenzen.
De Stelios Petrakis a säi Quartett huet en neien Album agespillt, "Spondi". Entdeckt en éischten Extrait.
Rose Mercie, dat si véier Musekerinnen, déi sech net nëmme mat hirer Indie-Pop demarkéieren. ¿KIERES AGUA? Wëlls de Waasser? freet d'Iwwerschrëft vum neien Album, wärenddeem mir si plakeg am Feier gesinn ...
Déi franséisch Musekerin, Komponistin an och Actrice Roxane Arnal deelt en éischten Titel vun hirer Aktualitéit "Elior", en Disk, dee fir den Oktober ugekënnegt gëtt.
En eklektesche Mix aus Reggae, Jazz, Dub a World Musek léist den Album "The Roots Explorers" vun der Trompettistin, Flüttistin an Akkordeonistin Youthie zesumme mam Produzent Macca Dread erkléngen. Dësen neien Album léist eng akustesch Rees ronderëm de Globus erkléngen.
Am Juni 1996 koum ee vun de schéinste Reggae-Disken eraus! Dem Bim Sherman säin Album "Miracle". De jamaikanesche Singer-Songwriter hat sech an den 80er an England niddergelooss, wou hien zesumme mam Produzent Adrian Sherwood vun On-U Sound Lidder agespillt huet, déi zäitlos sinn.
Dem indesche klassesche Museker, Sänger a Komponist Debashish Bhattacharya säin Album "Hawaii To Calcutta", deen 2017 erauskoum, erzielt déi spannend Geschicht vun der hawaiianescher Gittar, wéi se an Indien ukoum, a wéi se vun engem Mann populär gemaach gouf: der hawaiianescher Slide-Gittar Legend Tau Moe.
Playlist:
Souad Massi - Dessine-moi Un Pays - Sequana
Ÿuma - Denia Dour - HANNET LEKLOUB
Stelios Petrakis Quartet - Tempranillo - Spondi
Rodrigo y Gabriela - Weird Fishes/ Arpeggi - Weird Fishes & Symphony No. 25 In G Minor
Rose Mercie - Sweet Place - ¿KIERES AGUA?
Erotic Market - Should I - Boredoms & Heartstrings
Roxane Arnal - Little Bird (feat. Baptiste Bailly) - Little Bird (feat. Baptiste Bailly)
Youthie & Macca Dread - Atumbao - The Roots Explorers
Groundation - Market Price - One Rock
Bim Sherman - My Woman - Miracle
Debashish Bhattacharya - Anandi on the Loose - Hawaii to Calcutta: A Tribute to Tau Moe
Jasdeep Singh Degun - Sajanava