Danielle Ponder ass mam Gospel grouss ginn. Hir Konscht steet am Déngscht vun der Soul, vum Blues a si setzt sech a fir benodeelegt Mënsche souwéi fir Chancëgläichheet. No un der Black Lives Matter Beweegung, d'Danielle Ponder erënnert un eng Nina Simone. Si hieft hir Stëmm géint de Rassismus.
Aus der Ukrain kënnt de Sunsay. Hien ass eng bekannte Figur an der Musekszeen a sengem Land. A sengem Solo-Projet "Sunsay" fusionéiert hie verschidde Genren, sengt an der Sprooch vu sengem Land, op Russesch an op Englesch.
Och fir d'alleréischt a Frankräich op der Bün steet Baby Volcano. D'Sängerin a Performerin aus der Schwäiz an aus dem Guatemala huet Sënn fir Kontraster. Si erfënnt eng Welt, déi vun Hexe peupléiert ass a wou d'Erfuersche vum Kierper an der Beweegung hirer hybride Pop Sënn anhaucht.
DJ, Beatmaker, Multi-Instrumentalist a Label-Chef, de franséisch-chileenesche Medline vermëscht afrikanesch, Latino, Funk, Jazz an Hip-Hop-Influenzen.
Vill Decouverten op den Transmusicales dorënner och den Duo Ruut. An dat ass eng interessant Renconter tëschent zwou Artistinnen aus Estland. Duo Ruut associéieren d'Stëmm mat enger Zitar aus hirem Land. Inspiréiert vun den Traditiounen an och vun de Croyancen aus anere Kulturen. All dës Influenze gi kombinéiert mat hirer ganz eegener zäitgenëssescher Schrëft. Duo Ruut komponéieren op engem eenzegen Instrument, esou ass d'Musek minimalistesch an awer vollgepaakt mat neien Iddien a vill Emotioun.
De Gittarist Seb Martel huet am Schiet vu ville bekannte Leit gespillt, dorënner Alain Chamfort, Camille, oder Femi Kuti. Haut konzentréiert hie sech méi op seng Solo-Karriär. Beim elegante Label inFiné presentéiert dëse Klangfuerscher en neien experimentelle Projet, wou rar elektresch Gittaren aus dem Musée de la Musique zum Asaz kommen ...
Den Numm mat vietnameeseschen Originnen indiquéiert et net: Phat Dat si véier Museker vu Lyon, déi hir Fënster grouss opmaachen op de Rescht vun der Welt ... eng vun den Decouverten hei.
Och ze gesinn op den Transmusicales dëst Joer ass den Ariel Tintar, deem seng Lidder d'Faarwe vu senge Reesen erëmginn: vun den Antillen a Brasilien, wou hien a Kontakt kënnt mat der schéinster Bossa Nova a Samba. Hei héiere mir awer och d'Faarwe vu senger Rees no bannen zu sech selwer, niddergeschriwwen op Franséisch a Kreolesch, ... beréierend an eng weider schéin Decouverte!
Playlist:
Karate Boogaloo & Danielle Ponder - Little Bit - Look Around / Little Bit - Single
Danielle Ponder - Some Of Us Are Brave - Some of Us Are Brave
Massive Attack - Heat Miser - Protection
SUNSAY - Love Manifest - Love Manifest - Single
Baby Volcano - FIN DEL MUNDO (PEAU) - FIN DEL MUNDO (PEAU) - Single
Medline - Liquid Sunshine - Solstice
Duo Ruut - Nightingale - Kulla Kerguseks - EP
Trio SR9 & Blick Bassy - Bad Guy - Déjà Vu
Immy Owusu - Brown Supremacy - Brown Supremacy - Single
Seb Martel - Blue Suede Shoes - Saturn 63
Phat Dat - Flowers - Flowers
Ariel Tintar - Es Ou Ka Sonjé - Es Ou Ka Sonjé - Single
Think Zik ! All Star & Ben l'Oncle Soul - River - Acoustic "Love" Sessions