Déi éisträichesch Singer-Songwriterin huet dëse September hiren zweete Studio-Album verëffentlecht, "Harlequin". An der Zäit vum Lockdown huet si ugefaange sech als Clown ze verkleeden, fir d'éischt aus Spaass wärend Video-Schaltunge mat hire Frënn, duerno och op der Bün.
Francisco el Hombre ass eng Band aus Brasilien, benannt no engem Caractère aus dem García Márquez sengem Kult-Buch "100 Jahre Einsamkeit". Francisco el Hombre setze sech a fir d'Recht op Freed a fir d'Fräiheet, datt all Mënsch seng eegen Identitéit wielen däerf.
The Cat's Miaow ass eng australesch Indie-Pop Band, déi an eise Géigenden éischter onbekannt ass. Dëst Joer koum eng Anthologie eraus, "Songs 94-98", déi en excellente Choix erklénge léisst vun der Grupp hire schéinste Lidder. Eng Decouverte!
Nodeems de japaneschen Trompettist a Komponist Jun Miyake 2008 mat sengem Album "Stolen From Strangers" international Opmierksamkeet kritt huet an ë. a de Grand Prix vum däitsche Schallplattenpreis gewonnen huet, huet en dëst Joer säin neien Album "Whispered Garden" verëffentlecht, e Coup de Coeur!
Et gi Museker, déi eng universell Noriicht matdeele wëllen, beim Alabaster DePlume, mam richtege Numm Angus Fairbairn, ass dës "Be nice to people". Alabaster DePlume, engleschen Jazz-Museker, Saxofonist, Spoken Word Poet, Komponist an Aktivist.
De Sage Motel war eng mythesch Plaz zu San Francisco, déi sech an de 60er a 70er Joren zu engem Bohème-Treffpunkt entwéckelt hat. Kënschtler, Museker an all méiglech Vagabunden hu sech do erëmfonnt, vill Freed, awer och gebrachen Häerzer an aner Dramaen hu sech do tëschent de Maueren ofgespillt. En Album an Éiere vum Sage Motel huet déi psychedelesch Soul-Band Monophonics zesumme mam Kelly Finnigan ufanks dëst Joer verëffentlecht.
Den Album "Black Box" vum Nicolas Repac léisst eng richteg schéi Rees duerch déi verschidden Ausdrocksforme vum Blues erkléngen. Vun de Sklaven hiren Aarbechtslidder, déi den Alan Lomax an den 30er Joren opgeholl hat, iwwer e Bo Diddley bis zu der Saudade, den Nicolas Repac stellt d'Bluesvariatiounen aus der ganzer Welt vir.
Playlist:
Rachael Dadd - Moon Sails - Kaleidoscope
Sofie Royer - Court Jester - Harlequin
Adrian Quesada - Noble Metals - Jaguar Sound
The Mauskovic Dance Band - Zwaar - Bukaroo Bank
Francisco el Hombre - Triste, Louca Ou Má - Triste, Louca Ou Má /Single
The Cat's Miaow - Light the Beacon - Songs '94 - 98
Mazzy Star - Fade Into You - So Tonight That I Might See
Jun Miyake - The Jamestown Bridge - Whispered Garden
Built to Spill - Fool's Gold- When the Wind Forgets Your Name
Alabaster Deplume - Who Is a Fool - Gold
Monophonics & Kelly Finnigan - Sage Motel - Sage Motel
Geoffroy - Life as It Comes - Live Slow Die Wise
Nicolas Repac - Redemption Blues (I Know His Blood Can Make Me Whole) - Black Box
The Black Keys - Good Love (feat. Billy F Gibbons) - Dropout Boogie