Radioen

On air

Thé Dansant  |  Ben E. King - This Magic Moment

play_arrow Live
arrow_back_ios

One World

100komma7.lu / One World

/ Best of 2022

Best of 2022

headphones

55 min

Lauschteren play_arrow

Déi fënnef jonk Museker vun der Touareg Grupp Imarhan hunn ufanks des Joers hiren drëtten Album "Aboogi" verëffentlecht. Den Disk ass benannt no den éischte semi-permanente Strukturen, déi hir nomadesch Virfare bei der Grënnung vu Siidlungen an Dierfer opgeriicht hunn.

Am Februar dëst Joer koum den Album "Sowal Diabi (From Kaboul to Bamako)" via de Label Accords Croisés op de Maart. En ambitiéise Projet, dee sech mat der Fro vun de Refugiéen ausenanersetzt. Artisten an Artistinnen ë. a. aus dem Mali, dem Iran, Afghanistan a Frankräich hu sech hei zesummefonnt fir en Dialog, dee méi schéin net ka sinn.

Ufanks Mee dëst Joer huet de Rhabdomantic Orchestra, e Kollektiv ronderëm deen italieenesche Komponist a Multiinstrumentalist Manuel Volpe den Album "Almagre" verëffentlecht. En Disk, deen eng surrealistesch Ästheetik erklénge léisst an och südamerikanesch Aflëss.

Tapete Records hunn ufank des Joers de posthumen Album "The Highest in the Land" vu The Jazz Butcher erausbruecht, eng englesch Formatioun, déi zu Oxford an de fréien 80er vum Pat Fish a Max Eider gegrënnt gouf. De Pat Fish war bekannt fir seng poetesch a sarkastesch Fieder. Mir héieren d'Auer ticken "my hair's all wrong, my time ain't long, Fishy go to Heaven ..." De Pat Fish aka Jazz Butcher sengt iwwer säin eegent Ofliewen.

De Sage Motel zu San Francisco war fir d'éischt eng Erhuelungsplaz fir Trucker a Weltenbummler, éier dorausser an de 60er a 70er eng hip Adress gouf, wou Artisten an Aussteiger sech erëmfonnt hunn. Och grouss Nimm sinn do an an aus gaangen. D'Monophonics ronderëm de Mastermind Kelly Finnigan hunn hire fënnefte Studio-Album dem Sage Motel gewidmet, eng zu där Zäit mondän Plaz, wou vill Glamour, Kreativitéit an och esou munch Dramae sech ofgespillt hunn.

Best of vu dësem Joer bei One World, zum Cynthia senger Top-Lëscht, zielt och dem Saxofonist Laurent Bardainne a sengem Tigre d'Eau Douce säin Album "Hymne au soleil". Mir héieren dorausser hei déi schéin jazzy Partitioun vum Titel "Jou en nou rivé", subliméiert vun der Interpretatioun op kreolesch vun der Célias Wa!

Deen tierkesch-europäesche Crossover vun der Derya Yildirim mam Grup Simsek op hiren Album "Dost 2" ass eng irresistibel Fusioun aus anatoleschem Retro-Funk aus de 70er an enger sensibeler an duusser Folk-Poesie.

Den Englänner Alabaster Deplume aka Gus Fairbairn säin Album vun dësem Joer heescht "Gold". Eng gutt Fieder huet hien allemol a seng Poesie ass déifgrënneg ...

All Guddes am Neie Joer!

Playlist:


Imarhan - Achinkad - Aboogi
Minino Garay - Que carajo (feat. Hernán Jacinto) - Speaking Tango (feat. Hernán Jacinto)
Bantu Clan vs. Sarabi - Africa Ni Leo (Esa & Nonku Phiri Kaap Mix) - Future Sounds of Jazz Vol. 15
Arat Kilo, Mamani Keita, Rusan Filiztek & Siar Hashimi - Sowal Diabi (From Kaboul to Bamako)
Rhabdomantic Orchestra - Emblema - Almagre
Neue Grafik Ensemble - Breath (feat. JJ Akinlade) - Foulden Road Part II
Oan Kim - Whispers - Oan Kim & the Dirty Jazz
The Jazz Butcher - Time - The Highest in the Land
Lee Fields - Ordinary Lives - Ordinary Lives - Single
Monophonics & Kelly Finnigan - Sage Motel - Sage Motel
Laurent Bardainne, Celia Wa & Tigre d'Eau Douce - Jou en nou rivé - Hymne au soleil
Derya Yildirim & Grup Simsek - Bal - Dost 2
Alabaster Deplume - Who Is a Fool - Gold

Musek

Episoden

Summer 2024

Bléiser vun New Orleans, deen neie Sound vu Rio de Janeiro, Folk aus England … de Womad Festival 2024 mécht an e puer Deeg seng Dieren op! Vum 25.-28. Juli am Charlton Park Malmesbury.
headphones

56 min

play_arrow

Timeless

Zäitgenossen aus dem Acid-Jazz, der Soul an dem Blues, eng interessant Renconter an en Disk, dee Geschicht geschriwwen huet.
headphones

56 min

play_arrow

Summer 24

DelikateSinger-Songwriting, eng begaabte Gittaristin, e klénge musikaleschen Trip duerch de Summer 2024 an den zäitgenësseschen Ausdrock mat neien Techniken.
headphones

56 min

play_arrow

Together

Op der Spuer vun engem Artist a Weltenbummler, en Italieener, deen Jamaika zu senger Walheemecht gemach huet an e puer interessant Kollaboratiounen
headphones

58 min

play_arrow

Tribal Beats

Vill Rhythmus a ganz present Drums bei One World haut, en a seng Eenzeldeeler zerluechte Flamenco an e Retour en Force vun enger Band aus Zambia.
headphones

61 min

play_arrow

The New Tradition

Spannend Kollaboratiounen tëschent Museker aus verschiddene Kulturen, eng Stëmm voll Kraaft vum zäitgenëssesche britteschen R&B an e Retour a vergaangen Zäiten.
headphones

55 min

play_arrow

On The Road I

Sonneg Latino Kläng, déi d’Wolleke verdreiwen, Singer-Songwriting, dee Geschicht geschriwwen huet, a Musek fir ze dreemen oder ze chillen.
headphones

56 min

play_arrow

sunny side up

Musek fir ze chillen, Rhythmen aus dem waarme Süden, walisesch Traditiounen nei interpretéiert an eng virtuos Zitar
headphones

56 min

play_arrow

Desert Blues

Ishumar Musek, déi op Lëtzebuerg kennt, eng Decouverte aus Pakistan, alternative Folk aus Wales …
headphones

61 min

play_arrow

Man in Black

E Virgeschmaach op nei Disken di sech ukënnegen dorënner e posthumen Album vum Johnny Cash. Singer-Songwriting, Soul, Psychedelia a Musek fir ze chillen…
headphones

56 min

play_arrow

Back To Black

Nei-Verëffentlechungen, e Retour an d’70er, an eng Film-Musek di beréiert.
headphones

61 min

play_arrow

Hymne au soleil

Artiste mat engem ganz eegenen Universum, engagéiert Museker fir d’Mënscherechter an d’Natur an e bësse psychedeelesche Feeling ass derbäi, notamment aus Australien.
headphones

56 min

play_arrow

La Rata Bluesera

Blues aus Chile, Spaghetti-Western Feeling an e klenge Retour an d’80er
headphones

56 min

play_arrow

Métissage

Och d’Emissioun dës Kéier verdäitlecht nees, wéi räich den Austausch tëschent de Kulturen an der Musek ass.
headphones

55 min

play_arrow

Fréijoer 2024

Reggae Feeling, e Meeschterwierk, dat net Vergiessenheet gerode soll an en neien Album mat 60es Feeling
headphones

56 min

play_arrow

It Must Change

Musek aus der Sahel-Zon, déi op d’Onofhängegkeetsbestriewunge vun den Touareg opmierksam mécht, eng nei Stëmm am Beräich vun der Soul an e puer cool Lidder
headphones

61 min

play_arrow

Beats and Songwriting

E bësse Punk aus de 70er, Blues, R&B a Roots Musek …a schéi Stëmmen
headphones

56 min

play_arrow

Sparkles

Irresistibel Kläng aus Brasilien, sprëtzeg Metissagen an Traditiounen zäitgenëssesch interpretéier
headphones

57 min

play_arrow

in the mood of…

Hafestied an hir Influenz op d’Musek, e Retour bei den ‘Trip Hop’ aus den Ugangs 90er, e jonkt Nowuess Talent an e längeren Openthalt an der Belsch.
headphones

55 min

play_arrow

Together

Grenzen existéieren an der Musek kaum nach, de weltwäiten Austausch an di géigesäiteg Beräicherung di an eiser ‘globaler Zäit’ méiglech ass brénge spannend an inspiréiert Kläng ervir...
headphones

56 min

play_arrow