D’ChiCo 2025 ass de 16. Abrëll am Petz (Hall polyvalent) zu Wegdichen bei Wolz a beschäftegt gëtt sech mam Theema “Ech si wichteg! Ech hunn Iddien!
D’ChiCo - Children’s Conference ass eng national Konferenz fir Kanner tëschent 8 an 12 Joer. Et geet drëm Kannerparticipatioun an demokratesch Wäerter an de Vierdergrond ze stellen. Dëst Joer sollen de Kanner Weeër gewise ginn, wéi si hir Iddie kënnen ëmsetzen. Den Engagement vun de Kanner gëtt esou gefërdert a wäertgeschätzt.
Nieft de Kanner gëtt och dat pädagogescht Fachpersonal, dat si begleet, bei der Kannerkonferenz involvéiert. Si kréien nei Impulser a léieren nei Methode kenne fir Kannerpartizipatioun an hiren Ariichtungen ze stäerken. D’Fachpersonal gëtt dozou agelueden eng nei Perspektiv anzehuelen, si kënnen een Abléck an d’Potenzialer vu Kannerbedeelegung kréien a gläichzäiteg hiren Knowhow an d’Diskussioun iwwer Partizipatioun verdéiwen a verfestegen.
Och d’Organisateuren hunn d’Zil duerch d’ChiCo nei Erkenntnisser iwwer d’Kannerparticipatioun ze gewannen a Methoden auszeschaffen, déi op nationaler Basis kënne genotzt ginn.
D’ChiCo ass organiséiert vum Kannermusée Plomm an Zesummenaarbecht mam Zentrum fir politesch Bildung a mat der Ënnerstëtzung vum Ministère de l’Education nationale, de l’Enfance et de la Jeunesse, Centre Cinqfontaines, OKAJU, Jugendbureau Éislék, Centre Formida an Unicef.
Explikatiounen huet d’Mandy Cruchten vum Kannermusée Plomm. (www.plomm.lu)