Subsiden Trotz héijen Zënsen: Kee Réckgang bei energetesche Sanéierungen
Trotz de méi héijen Zënsen loossen weiderhi vill Leit hir Haiser energetesch sanéieren. Dat sot de Steve Weyland vum Ordre des Architectes am 100,7-Interview.
Den Trend bei Sanéierunge wier deemno en anere wéi bei Neibauten: Wärend manner nei Haiser gebaut ginn, wier bei Ëmstellunge vu méi alen Haiser bis elo kee Réckgang ze spieren.
De Steve Weyland féiert dat drop zeréck, datt d'Leit déi sanéieren, schonn en Haus hunn, dat se opwäerten. Den Investissement ass deemno manner grouss.
Et misst een allerdéngs deelweis laang waarden, bis dat néidegt Material fir eng Sanéierung geliwwert gëtt, seet de Steve Weyland.
"An ech mengen datt de Ministère do och relativ gutt drop reagéiert huet, a gesot huet: Fir all déi Mesuren déi dëst Joer geplangt gi, gëllen déi zousätzlech Subventiounen, déi elo a Kraaft trieden - och wann d'Mesuren dëst Joer net ausgefouert ginn. Mee wann se dëst Joer mat der Entreprise ofgeschloss ginn, da kënnen d'Leit dovu profitéieren."
Dëst Joer gëllen zum Beispill méi héich Subventioune fir Solaranlagen, Wäermepompelen, an méi effikass Isolatiounen.
An der Mediathéik:
LauschterenMéi zum Thema
2023 ginn et verstäerkt Subventiounen am Energieberäich
E Mëttwoch huet de Claude Turmes de Bilan vum Energieverbrauch gemaach, an op verstäerkt Subventiounen opmierksam gemaach. D'Energietransitioun acceleréieren a Stroum a Gas spueren - dat war den Haaptmessage.
Grouss Nofro an Delaie bei der Klima-Agence
Duerch den Ukrain-Krich an d'Energiekris maache méi Leit wéi jee sech Gedanken iwwer e méi Energie-effizient Doheem. Dat mierkt ee bei der Klima-Agence un der grousser Nofro an Delaien.
