Geldpolitik Gaston Reinesch: Europäesch Leetzënse kéinte virum Summer klammen

De Gaston Reinesch geet dovunner aus, datt d'EZB spéitstens am September hir Leetzënse wäert eropsetzen. De Conseil vun der Europäescher Zentralbank hätt mat aneren Decisiounen ze verstoe ginn, datt geschwënn eppes kéim.

Maurice Molitor / cbi

Gaston Reinesch
De Gaston Reinesch ass President vun der Lëtzebuerger Zentralbank

Viru 14 Deeg hätte vill Experten domat gerechent, datt de Conseil vun der Europäescher Zentralbank a senger Abrëll-Sëtzung d'Leetzënse géif eropsetzen. Dat ass awer net geschitt.

De Gaston Reinesch weist am 100,7-Interview op aner Decisiounen hin, déi an der Lescht geholl goufen, wéi zum Beispill de Stopp vu massiven Akaf vun Obligatiounen.

D'Zënse klamme schonn

Dat géif dem Marché kloer Signaler ginn, datt geschwënn eppes kéim. Eenzel Banken hätten dat schonn antizipéiert.

"De Message un d'Mäerz ass erausgaangen, datt mer net méi an de Maart kafe ginn. An dat huet natierlech schonn en Effekt an de Mäert gehat. Duerch déi Aktioun an déi Anticipatioun gesitt Dir jo an de Mäerz, datt d'Zënsen am court terme, mee och am moyene a long terme schonn ufänken ze klammen."

De Chef vun der Lëtzebuerger Zentralbank geet dovunner aus, datt spéitstens am September, vläicht och scho virum Summer, sech eppes deet - virausgesat, et géif näischt Onerwaartes méi geschéien, dat fir e gréissere Schock suergt.

De Gaston Reinesch ass zanter dem 1. Januar 2013 Gouverneur vun der Lëtzebuerger Zentralbank. An an deene geschwënn zéng Joer un der Spëtzt vun der BCL huet hien am Fong nach kee krisefräie Moment erlieft.

An der Mediathéik:

Invité:e vum Dag / / Maurice Molitor
Lauschteren

Méi zum Thema

D'Presidentin vun der europäescher Zentralbank Christine Lagarde.
Europäsch Zentralbank

Trotz Rekordinflatioun ännert d'europäesch Zentralbank näischt un hirer Zënspolitik: de Leetzëns an der Eurozon bleift bei Null Prozent. Déi ekonomesch Aussiichten wiere ganz onsécher, esou d'Christine Lagarde.

Net verpassen

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen