Si fäert och net, datt d'Prêten deemnächst esou deier ginn, datt d'Demande dofir géif abriechen. Den Immobiliemaart an domat och de Maart vun de prêts hypothéquaires géif sech selwer reguléieren. Mëttelfristeg géif si awer awer dovun ausgoen, datt d'Entwécklung bei de Logementspräisser géif ofgebremst ginn "wat dann erëm ville neie Leit géif erlaben e Prêt ze maachen". Si géif dem Marché do vertrauen, sou d'Direktesch vun der Spuerkeess.
D'Zuel vun de Leit, déi Schwieregkeeten hunn hir Prêten zeréckzebezuele wier bis elo net geklommen, esou d'Françoise Thoma. D'Spuerkeess géif och alles maache fir dat ze verhënneren.
"Fir d'Alleréischt séchere mer emol de Client of, an dem mer em plutôt méi e klenge Montant léinen, a mer em och heiansdo musse soen: Et deet eis Leed, mee dee Projet do, den ass nun emol eng Nummer ze grouss fir dech. Dann ass de Client net frou, dat versti mer alles. Mee et ass awer besser, et geet esou, wéi datt mer dem Client herno musse säin Haus verkafen."