Wirtschaft CNFP: D'Regierung geet mat "gewësse Moyenen" an des Kris

De President vum Conseil national des finances publiques mécht sech am Moment keng gréisser Suergen iwwer d'Staatsfinanzen. De Staatsbudget hätt sech d'lescht Joer "ganz gutt" vun der Covid-Kris erholl, esou de Marc Wagener. De Lëtzebuerger Staat géif dofir elo mat "gewësse Moyenen" an déi nächst Kris eragoen, betount den CNFP-President. An awer ass hien der Meenung, datt d'Regierung virun de Wale vum nächste Joer keng gréisser Depensë méi wäert decidéieren.

Rick Mertens (Interview) / Chris Zeien (Web)

Marc Wagener
De Marc Wagener ass President vum Conseil national des finances publiques.

Duerch déi aktuell Kris géif et zu Lëtzebuerg e Konjunkturabroch an och en Defizit vu ronn 1,5 Milliarden Euro. Hie kéint sech dofir och net virstellen, datt am Walkampf grouss Depensen annoncéiert ginn. Et sollt een och elo éischter punktuell a cibléiert Mesuren huelen a probéiere fir den Defizit séier erëm ze resorbéieren.

Lëtzebuerg wäert europäesch Defizitreegelen anhalen

Trotz der Covid-Kris an den Tripartite-Mesuren, géif de Lëtzebuerger Staat sech weider un d'Budgetsreegelen halen, déi d'Europäesch Kommissioun virschreift, esou de Marc Wagener.

"...et muss een och wëssen: Déi Spillreegele sinn am Moment ënner Klammere gesat - do gëtt et eng Ausstigsklausel - dat ass esou decidéiert ginn op europäeschem Niveau."

De Statec géif a senger leschter Note de conjoncture iwwerdeems dovun ausgoen, datt de Lëtzebuerger Staat d'EU-Defizitreegelen anhält.

An der Mediathéik:

Invité:e vum Dag / / Rick Mertens
Lauschteren

Méi zum Thema

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen