Krankeversécherung: Strukturell Probleemer
D'Krankeversécherung huet den Exercice 2021 iwwerdeems mat engem Defizit vu 55 Milliounen Euro ofgeschloss. D'CNS muss also hir Reserv unzapen, fir deen Déséquiliber auszegläichen. Mëttelfristeg misst ee sech awer Gedanke maachen, wéi d'Käschten an de Grëff ze kréie sinn, sou de President vun der Gesondheetskeess.
De Christian Oberlé verweist an deem Kontext op Pisten, déi um Gesondheetsdësch opgezeechent gi sinn. Natierlech hätt och Covid zu der Käschtenexplosioun bäigedroen, mee dat sollt net iwwer de strukturell Probleem ewechtäuschen, datt d'Depensen ze séier géife klammen.